منتديات تو زوو

منتديات تو زوو (http://www.2zoo.com/vb/index.php)
-   قسم هواة الببغاوات (http://www.2zoo.com/vb/forumdisplay.php?f=31)
-   -   مشكله الببغاء مع زوجتي (http://www.2zoo.com/vb/showthread.php?t=74695)

ابــــ علي ـــــو 10-09-2008 03:51 AM
مشكله الببغاء مع زوجتي
 
السلام عليكم ورحمه الله

انا عضو جديد معاكم في المنتدى الرائع هذا (ارجو الترحيب):p


انا عندي مشكله مع ببغائي انه ماشالله عليه مرررررررره يحبني ومتعود عليا مره بس يكره

زوجتي لدرجه اني احس انه يخاف منها مع انها تحبه زيي وتتمنى تلمسه بس مايخليها يصرخ في

وجهها وبكذا لما يجي يلعب معاي على رجولي ويبوسني ويخليني امسكه هي تغير منه انا ماني

عارف كيف اخليه يحبها ويتعود عليها مثلي؟؟؟؟؟؟؟؟ساعدوني

ملحوظه:ببغائي نوعه افريقي لونه كله رمادي حتى ذيله يحب كل الناس الازوجتي ويتكلم بس معاي ويردد بس كلامي

*(حلم وسط السراب)* 10-09-2008 03:59 AM
رد: مشكله الببغاء مع زوجتي
 
ما دام بدأت المشاكل أشوووف أحسن شئ تأخذ لكل واحد بيت مستقل ,,, أمزح .............
أولاً مبروووك على الطائر وخلي الطائر يتعودعلى زوجتك بحيث هي تصير تطعمه إذا صار جائع وتهتم فيه مع الوقت راااح يحبها وفيه معلومة الطائر الذكر يرتاح لنساء والعكس صحيح.........

محب للكوكاتو 10-09-2008 04:40 AM
رد: مشكله الببغاء مع زوجتي
 
مرحبا فيك بالمنتدى. أخي الكريم :
آنة متأكد أن الكاسكو أنثى أشان هالسبس ما أتحب زوجتك ومثل ما زوجتك تغار عليك أهيا بعد تغار عليك وهل مشكلة صايرة مع أحد من أهلي الكاسكو من تشوف خالتي تهجم عليها وهية داخل القفص فماكو غير أنها تحاول أتأكله وتلعب معاه مثل ما قال الأخ (حلم وسط السراب)

Solitary passenger 10-09-2008 05:02 AM
رد: مشكله الببغاء مع زوجتي
 
مثل ما قالو الإخوان(خليها تشاركك العناية فيه)

yooyoo 10-09-2008 07:00 AM
رد: مشكله الببغاء مع زوجتي
 
اخوي انشاء الله يكون الاخوان افادوك

لاكن مشكلتك عندي وانا اعرف وشلون تحلها


الحرمه باي شكل لمن تجي تلمسه حتى زوجتي او اختي لازم تكون خايفه


اذا كانت نوع زوجتك زي كذا

ولمن تمد ايدها له تكون خايفه او لمن تطعمه ويهز راسه تحرك يدها بقوه مع الفجعه
\
فهوا من كذا ينفع واخذ صوره من الحرمه انه مخيفه او ياخذ طبعه خليها تطعمه بهدوء وتلعب معه وتشربه وتجلس جنبه

ومسحه على مسحه بيتعود بس خليها جرئه ولاتخاف

واتمنى تر\د عليا اذا كنت من النوع دا ولالا

Hamlet 10-09-2008 10:02 AM
رد: مشكله الببغاء مع زوجتي
 
بسمه تعالى

أخي الكريم / أبو علي ،،

أولاً أحب ارحب فيك بين اخوانك واخواتك أعضاء ومشرفين وإداريين منتديات تو زوو .
المنتدى منور بوجودك عزيزي .. ونتمنى انك تحصل على الفائدة في ربوع منتدانا الغالي .
وان شاء الله لن نبخل عليك بكل ما نعرف .

طبعاً في البداية عندي تعليق بسيط على ما ذركت بالأعلى .. انت قلت ان الطائر لونه رمادي بالكامل حتى ( الذيـــــــــل ) . عشان جدي حبيت أقول لك ان طائرك ليس الكاسيكو الأفريقي .. بل الكاسيكو البلجيكي والمعروف بإسم " التمنــــه " ومع ذلك أطلب منك وضـع صورة للتأكيــــــد .
مع العلم بأن الطائرين ممتازين ولاعيب فيهم .. والفرق فقط في الحجم ولون الذيل تقريباً

بالنسبة لمشكلة الطائر مع زوجتك فالسبب الأول كما قالو باقي الأعضاء .. دائما الكاسيكو الذكر بتعود على النساء بالأول وبعدين شوي شوي ومع الوقت والتودد والإطعام يتعور تدريجيا على النساء .. والأنثى العكس .. يعني ماكو شي مستحيل ..

الكاسيكو دائما يحتاج صبر .. 85% طائرك ذكر ..

عشان الطائر يتقبل زوجتك تدريجياً لازم اهي إلي تبتدي تغير له الأكل والماي وتحاول تعطيه التفاح والفواكة " ماعدا الفواكة اللزجة " واهي تفتح له القفص عشان يطلع .. وتقعد معاه وتتكلم له وتبتسم له .. ودائما تكون حركتها وياه بطيئة وهادثة عشان ما يخاف ... مع الوقت راح يتغير ..

وللمعلومة : طائر الكاسيكو يحتاج وقت طويل عشان يظهر على حقيقته بالبيت .. يعني لما يكون مرتاح وتعود على كل البيت 100% يراويك العجايب

على العموم موفق اخوي ابوعلي في الطير والله يعطيك خيره ويكفيك شره

تحياتي ،،


جميع الأوقات بتوقيت GMT +3. الساعة الآن 07:59 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو