منتديات تو زوو - ابي اسعار الكناري ..

منتديات تو زوو (http://www.2zoo.com/vb/index.php)

- سؤال وجواب لقسم هواة الطيور المغردة (http://www.2zoo.com/vb/forumdisplay.php?f=88)

- - ابي اسعار الكناري .. (http://www.2zoo.com/vb/showthread.php?t=77100)

ابي اسعار الكناري ..

سلام ..

ابي اسعار الكناري الصيني

والكناري السوري

لأنه يقولو لي لو باخدهم .. الصيني ذكر والسوري انثى .. حيطلع علي 350 ريآل ....
هل هدا سعر غالي .. ولا في ارخص ؟؟بالسعوديه >الشرقيه:)

رد: ابي اسعار الكناري ..

أ
ول شيء ياخوي على حسب نوع الذكر والأنثى فااذكر مثلا أغلامن الأنثى لأنه يغرد والأنثى تغريدها ضعيف
ثانياالصيني تقريبا حول ال200 أماالسوري فممكن يجيبلك 120 في سوق القطيف أو الجمعة في الدمام
وألله يوفقك لأني مثلك أدور سوري أنثى بس خل يجي العيد علشان الفلوس والله يوفقك ويفقني والجميع
معا السلامه

رد: ابي اسعار الكناري ..

السلام عليكم و رحمة الله و بركاته

اخوي السعر الي عرض عليك فيها مره ممتاز 350 للجوز ( بس التهجين ) <-- احد اسباب ضياع السلالات النظيفه يعني زيد المبلغ 50 ريال و خذ لك انثى صيني احسن لك و اسألني انا مجرب الاناثي الصيني يعتنون بالفراخ بصوره جميله و يقومونهم بسرعه من العش يعني الفروخ تكبر تحت الابوين بسرعه ..

لان طيور الكناري الصيني تتراوح اسعارها من 250 الى 280 ريال للطيور المغرده الممتازه .

الكناري السوري ارتفع سعره في السوق ليش الله العالم صار الي تغريده عادي 180 ريال و الممتاز منه يوصل حتى للـ 350 ريال .

و اناثي الكناري تتراوح اسعارها من 80 الى 180 ريال هذا حسب الانثى من ناحية الجمال , ممتازه في تربية الفراخ .. الخ

تقبل مني اجمل التحيات مع تمنياتي لك بالتوفيق ..

رد: ابي اسعار الكناري ..

طيب ابي احد يبيع بالشرقيه زوج صيني ^ ^ ..

رد: ابي اسعار الكناري ..

السلام عليكم و رحمة الله و بركاته

موجود اخوي زوج صيني في محل انا شايفه في الدمام حي المزروعيه اسمه ( طبيعه بلا حدود ) و يوجد في المنتدى دعاية لهذا المحل عنده كناري صيني مغرد و حجم حلو و يوجد عنده اناث صيني حلوين مره و جاهزين ..

تحياتي .

رد: ابي اسعار الكناري ..

طيب بكم السعر .. لأنه شاري منه انا من قبل :) ..

رد: ابي اسعار الكناري ..

معليش اسمحوا لي

انا افضل مقارنة الاسعار قبل الشراء

وافضل عدم الاستعجال

وسبب كلامي هذا اني زرت المحل التي تقولون عليه ووجد اسعاره غالية جدا بالمقارنة لغيره من محلات الدمام

الفرق احيانا يكون بالمئات وبدون داع

واللي مايصدق كلامي يروح يقارن الاسعار بين المحلات واكيد بيصدقني

هذا للنصح بس

والله يوفق الجميع

رد: ابي اسعار الكناري ..

:)ابغا اعرف افضل انواع اكل الكناري اثناء البيض وبعد البيض ( الفراخ )

رد: ابي اسعار الكناري ..

قبل البيض :الحب الساده كيلو يخلط بربع كيلو خلطه المانيه او بلجيكيه و يوضع كل يومين ربع بيضه مسلوقه واثناء البيض يوميا و بعد اكتمال وضع البيض يوقف و اثناء التفريخ نصف بيضه و ربع تفاحه تغير يوميا حتى سحب الفراخ ،،،، وتقبل تحياتي

رد: ابي اسعار الكناري ..

مشكور مستر دحوم
شرح ممتاز ودقيق
تحياتى