|
ايش احسن؟؟ وش تنصحوني فيه
السلام عليكم
ناويه اشري ببغاء اهم شي يكون متكلم جيد ومناعته قويه ولما اطلعت على المواضيع المثبته اعجبني الامازوني والمكاو هل فيه فرق بينهن من ناحية المناعه والكلام؟؟ وايش احسن نوع من النواحي اللي ذكرتها؟ والاسعار وما أدراك ما الاسعار .. كم عندنا بالسعوديه؟ واللي له خبره وجرب اكثر من نوع ياليت يفيدنا .. والله يعطيكم العافيه |
رد: ايش احسن؟؟ وش تنصحوني فيه
والله أخوي الامزون والمكاو حلوين ونسبه الكلام عندهم عاليه بس أنا أنصحك بشراء كاسكو أفريقي
لانه هو المتكلم الرئسي بهذهي الايام وجميع الاعضاء تقريبا يملكونه وهو رائع بس لا تشتري مستورد أشتر كاسكو منتج محلي وبالنسبه للاسعار الكاسكو مو غالي ولا رخيص ويستاهل دفع الفلوس فيه ويعطيك ألف ألف عافيه |
رد: ايش احسن؟؟ وش تنصحوني فيه
حياك اخوي حامي
الكاسكو ماسحتة من مخي نهائيا لكثرة مشاكله . صديقتي فقدت الكاسكو بعداسبوعين من شرائها و الموت بيدالله لكن انا اخذت موقف منه أشكرك على مرورك وننتظرمساعده باقي الأعضاء |
رد: ايش احسن؟؟ وش تنصحوني فيه
أي أخوي لانك شاري من السوق صح الكاسكو ألي بالسوق مستورد والطيور المستورده كثيره المرض بعكس المنتجه محليا وألي بالسوق هذيل التجار يغشون ببيع الكاسكو وأنا أنصحك بفرخ كاسكو منتج محلينا وأذا ما تعرف أحد قولي أنت من وين وأنا أساعدك
|
رد: ايش احسن؟؟ وش تنصحوني فيه
السلام عليكم الاخت شيخه البنات بالنسبه للمكاو فأنه طائر مجرد زينه وليس مناسب للكلام اضافه على ان حجمه كبير اي لايصلح للعب والتسليه اما الامازون فهو طائر ممتاز ولاكن سعر غالي جدا الفرخ الصغير يصل الى 5000ريال اما الكبير المتكلم قليلا فسعره يكون اغلا فكما قال الاخ الكريم الكاسيكو هو الافضل في الكلام والتربيه وايضا سعره مقبول
|
رد: ايش احسن؟؟ وش تنصحوني فيه
اشكركم اخواني
مشكلة الكاسكو حساس :( طيب الكوكاتو والدره وش تقولون عنها؟ معليش ازعجتكم بكثرة الأسئلة |
رد: ايش احسن؟؟ وش تنصحوني فيه
الاخت شيخة البنات بالنسبة للدرة فرأيي انه طير ممل قليل الحركة مايتفاعل كثير مع مالكه يتكلم من 1 - 3 كلمات وفيه استثناءات اما الكوكاتو فهو طير لعوب ومسل وكثير الحركة والرقص والصفير ويتكلم من 1 - 3 أيضاَ وانا صراحة مع الشباب الكاسيكو تربيته حماس ،، وهناك في السوق طيور كاسيكو اليفه ولطيفة وتناسبك لكن خذي من 8 شهور الى سنه أو خذي كبير بس جاهز وهذا بيكون سعره غالي شوي 2500 - 3000 ريال وبعدها يجي الكوكاتو 1500 - 2500 ريال والله يوفقك |
رد: ايش احسن؟؟ وش تنصحوني فيه
والله اختي الدره حسب رايي وتجربتي معو اذا كان اليف فهو ماكو احلى منو انا كان عندي دره كانت تضحك مثلنا تماما من كنا نضحك بقربها وتجري وراي وتلعب وهي ذات مناعه قويه وحلوة والسعر مناسب والكوكاتو ايضا حلو وشايف منو يتكلم ويرقص بس ما مربيه ومعلوماتي عنو قليلة
وانا معك انو الكاسكو مايجيب غير وجع القلب لانو حساس جدا وضعيف المناعة ... يعني طير يصاب بالكآبة !! فما بالك والبرد والاسهال وغيرو وغيرو |
رد: ايش احسن؟؟ وش تنصحوني فيه
الكاسيكو فعلا حساس لكن يستاهل التعب والصبر بصراحه اقول هالكلام وانا توني ياي من البيطري
طيري مزكم خخخخ |
رد: ايش احسن؟؟ وش تنصحوني فيه
اقتباس:
المكاو نسبة الكلام عنده قليله جدا لاكن الوانه جميله واسعاره مرتفعه... الكاسكو متكلم جيد واليف ولو تكلمة ماراح اوفي واكثر الناس يربونه لانه اسعاره اقل وكلامه كثير يعني بسعر امزون واحد تشتري 2 الى3 كاسكو... وشكرا...... |
| جميع الأوقات بتوقيت GMT +3. الساعة الآن 11:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو