|
بااااااركولي وساعدوني في نفس الوقت
باركولي يا شباب أولا اشتريت ببغاء أفريقي عمره سبعه شهور أليف بس مو مره ويحب يلعب ويصفر تقدر تحبب على راسه بس ما يطلع على اليد وريشه كامل يقلد صوت الجرس والكناري. المشكلة إني ما أقدر أنزل صورته لأني ما أعرف أنزل صور أصلا على النت وفي نفس الوقت فيه مشكله . أنا عندي جوز كروان والحمد لله بيض وفقص وكبروا الفروخ وفجأة كنت دايما أحصل واحد من الفروخ بره العش وكنت أتغاضى وأشيله وأحطه داخل العش كنت أحسب إن الأم أو الأب هم اللي طردوا الفروخ لكن بعد مراقبة شديدة إكتشفت إن الفروخ هم اللي بيطلعوا من العش وينطوا زي المجانين :eek: وبصراحة أنا خايف جدا عليهم خصوصا إنهم لسه ما انفطموا ولسه صغار . فايش تنصحوني يا اخوان ؟ |
رد: بااااااركولي وساعدوني في نفس الوقت
اخوي اذا تبغى تنزل صورة على النت روح للموقع هذا
http://www.ir11.com/ او هذا http://w6wup.com/ واضغط على browse اللي هو استعراض لملفات الكمبيوتر عندك وعلشان يكون تحميل الصور واستعراضها سهل خلي امتدادها jpg عن طريق الفوتوشب مو لازم بس علشان تكون صغيرة الحجم تنزل بعضها من 200 الى 40 كيلوبايت حسب الصورة ماشي بعدين اظغط على تحميل ولما تتحمل راح يعطيك الموقع وصلة التحميل اللي نزلت عليها صورتك اللي اخترتها خذ الوصلة وافتح رد على الموضوع تلقا ايقونة فوق صفراء اذا حطيت الماوس عليها تطلع كتابة ادخال صورة اضغط عليها وحط وصلة صورتك وراح تلقاها بالموضوع بس ومبروك على الطاير الجديد وبالنسبة للفروخ خذ العربجية اللي يرمون المسكين وارميهم براء العش علشان يتربون هههههههههههههههههههههههههههه تراء امزح بس انشاء اللة الاعضاء يفيدوك تحياتي |
رد: بااااااركولي وساعدوني في نفس الوقت
مبروك عليك الطيييييييييير...
|
رد: بااااااركولي وساعدوني في نفس الوقت
طريقة الفروخ الي تنزل من العش سارتلي كل يوم ينزل واحد احصله اسفل وارجع ارده واليوم الثاني احصله اسفل نفس الفرخ بس الي عندي اكبر واحد ينزل شوف اذا كان ريشه كامل خليه اسفل وحطله اكل لين زي البيض المهروس يتعلم شوي وبعدين رده العش انا سويت زي كذا وبعدين اخذوها حلى نزل هو واخوه الثاني
|
رد: بااااااركولي وساعدوني في نفس الوقت
اخي كلوريد الصوديوم الف مبروك علي الافريقي و الله ممتاز انك لقيت و احد صغير بهذا العمر الله يوفقك فيه. اما بخصوص الكوكتيل فكم اعمارهم الان و بعدين اذا كانو يطلعو من العش بدون ما يصير لهم شئ فلا يوجد مشكله و اعتقد ان الجوع هو الذي يخرجهم و لماذا لم تقم انت باطعامهم كي يألفو عليك فهي فرصه لا تفوتها. اخونا الرحال شرح لك كيفيه تنزيل الصور و احنا كلنا في شوق لرؤيه عائله الطيور بأكملها. |
رد: بااااااركولي وساعدوني في نفس الوقت
مبروك عليك الطيييييييييير
|
رد: بااااااركولي وساعدوني في نفس الوقت
الف الف الف الف مبروك على الطير ويتربى في عزك...
(الله يعينك على القرقره الحين من الشروق للغروب) |
رد: بااااااركولي وساعدوني في نفس الوقت
الرحال يعطيك ألف عافية والله تعبتك معاي والله يبارك فيك كوكاتو الله يبارك فيك هامستر الطير مشكوور على النصائح وبيض الله وجهك MrMeMo الله يبارك فيك وبالنسبة للكوكتيل فأعمارهم تقريبا شهر وأسبوع ممكن يزيد يوم أو ينقص يوم وبالنسبة للتوليف أنا كنت ناوي فعلا أولف واحد فيهم لكن خلااص اشتريت تشيكو على فكره تشيكو هذا اسم الببغاء والله يعطيك العافية عاشق الهامستر الله يبارك فيك kitti الله يبارك فيكي واذا كان على القرقره أنا ما اشتريت الطير إلا علشان القرقره :D وسامحوني يا شباب علشان تأخرت في الرد والله يعطيكم ألف عافيه |
رد: بااااااركولي وساعدوني في نفس الوقت
وعلى فكره بالنسبه للكروان
أنا شلت العش وخليتهم كلهم في الأرض والحمدلله مافي أي مشاكل إلى الآن طبعا :D وش رايكم ؟ |
رد: بااااااركولي وساعدوني في نفس الوقت
كويس فكره ممتازه بس اهتم في النظافه لان العدد زاد اكثر من الاول و الصغار المناعه تكون عندهم ضعيفه جدا يعني نظف اول باول و الله يخليك اياهم |
| جميع الأوقات بتوقيت GMT +3. الساعة الآن 04:18 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو