|
حرب بين هامستراتي ....!
السلام عليكم ....
انا عندي هامستر قزم روسي أنثى كسووولة وما تتحرك وأمس جبت هامستر ثاني ذكر وحطيتهم مع بعض وقاامت الحرب صارت هي تهجم عليه وتعضه وهو مسكين ما يدافع عن نفسه وصار فيه جروح كثيرة واليوم فصلتهم عن بعض الين ما اشوف حل ... سؤالي هو هل هذا طبيعي انهم يهجمون على بعض ؟؟؟ انا الي اعرفهم انهم يقدرون يعيشون مع بعض مو مثل السوري صح ولا لا ؟؟؟؟ سااااعدوني ... تحياتي ،،،، |
رد: حرب بين هامستراتي ....!
هلا اختي بالنسبه لسؤالك ممكن ان الهامستر
اولاً : الي جبتيه مايكون ذكر او يمكن الي عندك ذكر وجبتيله ذكر ثاني ثانيأ : الاهامستر الاولي كان مسيطر على القفص وهذي تعتبر منطقته فماراح يسمح لأي كائن انه يشاركه وانتي جبتيله هامستر غريب عليه فمن حقه انه يدافع عن ممتلكاته . الحل : فصل الهامسترين في قفصين مختلفين ووضعهم بجنب بعض عشان يتألفون على بعض وكل واحد بشم ريحة الاخر ويعرفه وكل 3 ايام اجمعيهم في قفص او مكان لايعرفونه وغير مسيطر عليه احد وانتظري بعض الوقت اذا اخاتقوا افصليهم واعيدي الكره بعد 3 ايام وان شاء الله سيتجمعون في قفص واحد وتشوفين اولادهم ان شاء الله |
رد: حرب بين هامستراتي ....!
مشكوووووووور اخووووي ما قصرت
وبحاول اسوي الي قلت عليه واشوف النتيجة ... |
رد: حرب بين هامستراتي ....!
العفو اختي وانا حاضر لأي استفسار
|
رد: حرب بين هامستراتي ....!
والله يمكن زي ماقال الاخ المــارد
يمكن يكونون ذكور وان شاء الله باقي الاعضاء يفيدونك اكثر تحياتي الاسد الملك |
رد: حرب بين هامستراتي ....!
اذا ما كانو ثنينهم ذكور او ثنينهم اناث..يكون الهامستر اليديد صغير بالسن ومو بالغ
وانا رايي من راي المارد فصليهم ليما يتعودون |
رد: حرب بين هامستراتي ....!
اختي
غالبا الهامسترات الي تتعايش بشكل ازواج تكون صغيره بالعمر اما اذا كبر الهامستر وبعدين يبتيله زوج ماراح يتقبله |
| جميع الأوقات بتوقيت GMT +3. الساعة الآن 07:18 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو