|
كيف أتصرف معها ؟؟؟ ( تبي تستحم بس المشكلة !!!! )
بسم الله الرحمن الرحيم السلام عليكم ورحمة الله وبركاتة عندي مشكلة بسيطه مع الدرة حقتي وأهي مع الأستحمام ومثل ماقريتوا في العنوان تبي تستحم بس مأدري كيف المشكلة ماني عارف كيف أتعامل معها لانها تقريباً تخاف من كل شيء يعني مرة من المرات جبت بخاخ ماء وقمت ارش عليها ماء بس كانت تخاف من البخاخ ومرة جبت لها سطل أو بادية أو طشت شوفوا الأسم المفهوم المهم وخليتها عندها يومين ولا أستحمت فية ومرة بللت يدي بالماء وحاولت أمسح عليها أكثر من مرة وكانت كالعاده خائفة أهي تبي تسبح والدليل انها تدخل رأسها بالكامل في وعاء شرب الماء وتحاول ترش على جسمها بس الوعاء صغير مرة ولا يجي الماء ألا على رأسها بس أنا أخاف عليها تمرض لأن الماء يجي على الرأسها بالكامل وفي هذا الشتاء أكيد بيصيبها برد شباب كيف تنصحوني اتعمل مع هذا الموقف ؟؟؟ |
رد: كيف أتصرف معها ؟؟؟ ( تبي تستحم بس المشكلة !!!! )
احتمال تكون خايفه من الطشت .. خله دايما عدال القفص.. عشان تتعود عليه.. هذا حال الطيور.. لازم يتعودون على أي تغيير في بيئتهم
و الشي الثاني لاتعبيه وايد ماي.. خله مستوى بسيط فيه.. و حطها عدال الطشت لو تريد تتسبح بتتسبح.. طريقة الرش بالبخاخ.. انا اسويها مع شامبيه.. (ع طاري السبوح! نسيت اسبحه اليوم الشمس دافيه اخيرن) ارشه بالبخاخ بس عالخفيف عشان ما يكون دفع الماي قوي بالنسبه له.. و استبعد الوجه.. و بعدها اخليه يتشمس.. بحط لك لينكات لفيديوهات اتجوف فيها الببغاوات تتسبح .. و خض افكار.. :D http://www.youtube.com/watch?v=538jmYmHvzA في الفيديو الي تحت.. (قصدي الرابط تحت هالكلام الي اكتبه) مسوين ستاند.. عشان الببغاء يكون متعود ع الوقفه و من بعدها يعبون الماي http://www.youtube.com/watch?v=D4EBS...eature=related و في هالفيديو البراكيت يغطي راسه بالماي و عقب يرش جسمه http://www.youtube.com/watch?v=OZekqLpMUvE ^^ و ان شاء الله اكون فدتك :) |
رد: كيف أتصرف معها ؟؟؟ ( تبي تستحم بس المشكلة !!!! )
عادي بخاخ من بعيد
|
رد: كيف أتصرف معها ؟؟؟ ( تبي تستحم بس المشكلة !!!! )
كاسكوكيه شكراً شكراً شكراً ألف شكر على مجهودك يعني من جد ماقصرتي أبد من بعد هذا الرد الجميل ما أحتاج رد غيره يعطيك الصحة والعافية وأن شاء الله اني بطبق الفديو الأول وبخلي الطشت عدال القفص كم يوم لين يتعود عليه وبا خبركم أن شاء الله ويشيصير معي |
رد: كيف أتصرف معها ؟؟؟ ( تبي تستحم بس المشكلة !!!! )
الجناحي
أنا جربت البخاخ بس المشكلة انه يخاف منه وأذا حاولت ارش على الظهر أو الجناح يلتف براسه جهت البخاخ وكل مرة على هذا الحال يعني الماء يجي على الراس فقط وأنتوا دايم تقولون لايوصل الماء لراس على شان ما يمرض وأنا خايف علية |
رد: كيف أتصرف معها ؟؟؟ ( تبي تستحم بس المشكلة !!!! )
سلآم عليك عآشق :D
يخوي رش عليهآ عآدي بس من مسافه شوي بعيده لاتقرب البخاخ عدال جسمها وهي جالسه ف القفص رش عليها من بعيد انا دايمن اسبح درتي جذيه |
رد: كيف أتصرف معها ؟؟؟ ( تبي تستحم بس المشكلة !!!! )
وعليكم السلام ورحمة الله وبركاتة
يا هلا فيك يا مس والله انا سويت كذا بس خفت عية يصبها شي لان الماء دايم في الوجه أبشري أن شاء الله بسويها ألف شكر أختي على تشريفك عندنا |
| جميع الأوقات بتوقيت GMT +3. الساعة الآن 02:05 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو