|
مساعدة لو سمحتم !!
بسم الله الرحمن الرحيم السلام عليكم ورحمة الله وبركاته .: كيف الحال أخواني الأعزاء ؟ :. عساكم طيبين ؟ أنا عندي وز و لاكن ما باضوا علماً هم عندي من شهر 9 حتى اليوم ما باضوا !! ذكر و إنثتنين .... هل لهم موسم خاص يبضون فيه ؟! و كم عدد البيض في المرة الموسم الواحد ؟! و كم مدة الحضن ؟! و شو النصائح ؟! و هل تنصحون أفرخهم مكينة ؟! و شو المخاطر ؟! أبيكم ترشدوني تخبروني كل شي تعرفونه ... و سلمتم ... وهذي صورة الوز :- http://www.ma7room.org/up/images/cao...ee7b_thumb.jpg http://www.ma7room.org/up/images/x83...a2v9_thumb.jpg الذكر الأول في الصورة الأولى و الأخير في الصورة الثانية ... رايكم فيهم ؟ |
رد: مساعدة لو سمحتم !!
مااعرف شي بالوز لكن شوف
دائما العله تكون في البيئه مثلا الحمام ما يقدر يفرخ في قفص لا يستطيع الطيران الا في حالات قليله بعض مربين الحمام يجعل الحمام يطير ويرجع الى القفص وخاصه اذا باض عشان يرك على البيض ويفرخ اما الدجاج فترا لا يفرخ الا اذا حطيته في حضيره واسعه نسبيا له لا يمكن انه يفرخ في قفص او حوش صغير فالوز يمكن يبي بركه يسبح فيها نضرا لطبيعه حياته وتقبل تحياتي |
رد: مساعدة لو سمحتم !!
السلام عليكم ورحمة الله
صور جميلة ورائعة، ولكن للاسف لا اعرف شيء عن البط، اتمنى من البقية المساعدة |
رد: مساعدة لو سمحتم !!
عليكم السلام ورحمه الله وبركاتة
انا مربيه الاوز . . بخصوص الانثى الي بالوسط بالصوره الثانيه هذي الاوز عندي مثله ذكر وانثتين ~ والموسم لدى الوز في الشتااااا وفي السنه مرتينّ . . وعدد البيض ّ على حسب لما يووقف عندهااا يمكن حوالي 13 بيضه . . والرقود حاولي 30 شهر كامل. . . ولازم تكون هناك بركه خاصه لهم لانه التزواج في الماي وبتلاحظ حركات الذكر تظهر في الماي دلاله على التزواج لكن الانثى الي بالوسط للاسف هالنوعيه ماتحضن :/ في نوع اخر عندي احتضن اما هالنوعيه لا يطول فترتهاا ويمكن ينجح ويمكن لاء |
رد: مساعدة لو سمحتم !!
تسلمين أختي هاوية طيور ...
بس ممكن تخبريني أي نوع ما يحضن ... بجدد الصور لان بفعل الحر مات الذكر الابيض و الانثى البيضة و انا كنت مسافر لكن أعتقد ان الهندي باعهم الله يسامحة أحين عندي ذكر و أنثى نفس اللون ... و على فكر باضت الأنثى آخر شهر 2 أو 3 و سوت 11 بيضة لكن ما كانوا ملقحين أما الان سويت لهم بركة سباحة و هذي السنة راح يفقسون إن شاء الله بضيف لج الصور الجديدة ... بعد ما أنزلها من الفون ... |
رد: مساعدة لو سمحتم !!
الله يسلمك ،، اهو جميع الاوز تحتضن بس الاوز الرمادي يطول لكن الاوز الكندي سريع التكاثر وافضل منه وانا ناطره صوره |
رد: مساعدة لو سمحتم !!
مشكوره على الرد ...
أنا مش قادر أرسل الصور من التلفون للاب المهم بشوف طريقة و برسلهن ... يعني قصدج الوز الأبيض أفضل ؟ من الوز الرمادي ؟ انا سافرت و رجعت قال لي العامل أن الذكر و الأنثى البيضة ماتو بسبب الحر أدري أنه يجذب علي لانه مب يس الوزتين 7 ازواج حمام أختفوا يقول أنهم ماتوا و عنزي المفضلة ما لقيتها بعد ولما قلت له راوني وين رميتهم قال و الله أكيد شالتهم البلدية و هو في العادة يرميهم خلف العزبة بشوي و ما تشيلهم البدلية لانهم ورى العزبة لكن هذي المرة عرفت له الله يسامحه بوافيج بالصور إن شاء الله اليوم ... و على فكرة أنا شريت ذكر رمادي للانثى الرمادية و بط بكيني ممكن تساعديني و تخبريني أفضل نصائح للبط البكيني لأني شفت الذكر قبل ما أسافر قبل شهر يركب الأناث ... و أحين خبرت السايق يبني لهن حوض و الحمد لله سوى لهن واحد و اتوقع هذي السنة يكون في كتاكيت إن شاء الله ... و السموحة أزعجتج أختي الكريمة ... |
رد: مساعدة لو سمحتم !!
الله يسامحه هذي سوالفهم يبيعونهم . . . بخصوص الوز لازم اشوف المكان والمكان الحوض بخصوص البط ماعرف الاسامي بس اعرف كيف طريقه التربيه الجيده ممكن صوره لهم بخصوص الذكر البط انا ماانصح في الحر لانه لوطلعت الكتاكيت ممكن ماتتحمل الحر خصوصا اذا في المزارع اما اذا البركه قريبه مو بعيده عاد يكون يومهم كله بالماء افضل لما يبدا يكون على اواخر 9 افضل يكون بدا الجو يتغير تدريجيا ويخف الحراره وخصوصا صغار البط مناعتهم ضعيفه جدا جدا انا بطتي يابت 15 < استانست ويافرحه ماتمت بقى منهم بس 4 فقط :) ~ وان شاء الله تشوف انتاجهم |
رد: مساعدة لو سمحتم !!
و الله للأسف ما قدرت ارسل الصور نسيت الوصلة في الإمارات ...
حاليا براويج الصور المتوفره عندي ... هذي الصورة حطيتها من قبل ... http://www.al5haili.com/up/uploads/c60d9b72c7.jpg طبعا الأنثى البيضة الي على اليمين و الذكر الي على اليمين ماتوا ... و ما بقت إلا الأنثى الي بالنص الرصاصية و جبت لها ذكر نفس لونها وهيه الأنثى الي باضت هذي السنة اعتقد أما البيضة باضت بيضتين بس و الرصاصية 11 بيضة لكن كانوا مش ملقحين ... و إنتبهت على شي هذي الوزة الرصاصية تحت بطنا في شي نازل على طول جسمها أعتقد ها يعني علامة إنها بالغة و مش أول مرة تبيض ؟! هع ها تفسيري و أما بخصوص الصور الجديدة لما برجع الإمارات تاريخ 15 من هذا الشهر راح أوافيج بالصور الجديدة ... راح أنزل موضوع جديد فيه معلومات جديدة و صور جديدة خاصة بابط و الوز و الحوض و بيتهم ... أما بخصوص البط البيكيني ... ما عندي صور له على الاب و هذي صورة من النت http://www.al5haili.com/up/uploads/6982e5319e.jpg عندي أنثايتين و ذكر ... و أحسن شي فيه قضى على الذباب كان الوز جايب الذباب لكن هذا البط ياكل الذباب يصيده في الهواء و يجري وراه و الله فادني ... و أفكر أشتري بط مصري أنا كنت أربيه لكن تخلصت منه أول ما ظهر إنفلونزا الطيور من زمان لكن برجع اربيه و الأوز الكندي بدورة من السوق ... و أبي أربي بجع لكن بخليهن حتى أخلص دراسة و أرجع الدولة و أكون متفيج لهن برتب مزرعة البط هههه تحياتي لج و السموحة منج صرت ثقيل ... |
رد: مساعدة لو سمحتم !!
ماشاء الله حلوين وخصوصا الذكر ياخذ من الاوز الكندي من خلال الطول والراس والله يعوضك يارب بخصوص وضع البيض كان ذكر موجود ولالا ؟ . . اقتباس:
ايوه صح كلامك لانه الانثى الي باضت ريشها يكون نازل تحت ومصفوف ومتراص . . بخصوص البط هذا الموضوع توضيحي http://www.2zoo.com/vb/showthread.php?t=101007 على فكره الاوز مايجيب الذبان المشكله والمدمر والي يعفس المكان ويخليه كله طين البط والبط ياكل الذبان وايضا الاوز تاكله وخصوصا وقت الاحتضان وزتي :/ ماخلت ذبانه بالديره مايت عندها واهي تاكل منهم لانه البيض كان فاسد جذبها الذباب بس جهز لهم المكان واعشاش كثيره علشان الوز مرات يشارك اعشاش البط او العكس فـ انتبه للنقطه هذي وان شاء الله نشوف انتاجهم عن قريب |
| جميع الأوقات بتوقيت GMT +3. الساعة الآن 03:13 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو