|
طلع كم سؤال براسي وابي فزعتكم
السلام عليكم ورحمة الله وبركاته
أول سؤال اللي هو بخصوص الطوق انا حطيت لكيتي طوق لكنها تفكه وماتبيه ومشكلة انا ابي احط لها لأن اكثر من مره تخش تحت رجلي وانا امشي بغيت ادعسها:confused: اكثر من مره ===> مالها اي صوت يوم تمشي:p السؤال الثاني يوم اني امسك كيتي يطلع صوت كانه مكينة جراندي موديل 89 يعني يطلع كان معاها ربو ونا ما ادري الصوت مو واضح الا اللي يمسكها ===>غخو خعو السؤال الثالث انها مخشتني مخشة في رقبتي طلعت الدم من رقبتي ===>:eek: مو قصدها بس كانت تبي تطيح من على الكنبه وتعلقت في رقبتي ===> وش الحل مع الاضافر يمدحون عملية النزع ... السؤال الرابع يعني في المعتاد كم تقعد القطه عشان تولف لراعيها ؟ السؤال الخامس =====> لا عاد مسخها :p معليش يا اخوان ان كنت طولت عليكم بس العذر والسموحة |
رد: طلع كم سؤال براسي وابي فزعتكم
- كل القطط تتصرف بهالطريقه وراح تحاول تخلعه
- لوول صوت المكينه شي طبيعي ودليل على انه القط مرتاح ولوتلاحظين يعلى وقت النوم - قصي اظافرها كل اسبوع وعمليه النزع انا سويتها حق قطوي بصراحه وايد زينه لكن هالشي بذمتج اذا نزعتي اظافرها ماتبيعنها ولاتعطينها احد لانه يمكن مايهتم فيها ويرميها ويطقونها باقي القطط وماتقدر تدافع عن نفسها - القطط تولف بنفس اليوم احيانا واحيانا تاخذ عده ايام لكن غالبا ماتزيد عن الاسبوع |
رد: طلع كم سؤال براسي وابي فزعتكم
يعطيك العافيه اختي فطوم على الاجابات السريعه
ومشكوره |
رد: طلع كم سؤال براسي وابي فزعتكم
اي شي احتجت انا حاضره
بس انت حاول توكها من ايدك وحاول تمسح عليها وتحسسها بالحب والحنان:p |
رد: طلع كم سؤال براسي وابي فزعتكم
بالنسبه للطوق اذا هيا صغيرها لا تلبسا
حط لها خيط مبدل وركب فيه جرس بيكون خفيف عليها الخيط ما تحس فيه يعني وفي نفس الوقت بيسوي صوت علشان ما تدوسها واذا كبرت الله ما يعوق شر ركبلها الطوق الي تبيه ماراح ترفض |
رد: طلع كم سؤال براسي وابي فزعتكم
يعطيكم العافية حبايبي
عمرها تقريبا شهر ونص ومشكورين |
رد: طلع كم سؤال براسي وابي فزعتكم
أول سؤال اللي هو بخصوص الطوق انا حطيت لكيتي طوق لكنها تفكه وماتبيه ومشكلة انا ابي احط لها لأن اكثر من مره تخش تحت رجلي وانا امشي بغيت ادعسها:confused: اكثر من مره ===> مالها اي صوت يوم تمشي:p -بخصوص الطوق اغلبية القطط تتضايق منهـ. خصوصاا" الصغار لاه توهم مو متعودين عليهم ! بس يفضل تحطه للقطط من اهم وصغار حتى لو تضايقو يوم يومين ثلا ث اسبوع بس بعده خلاص مومشكله عندهم اما الكبار اصعب بشوي السؤال الثاني يوم اني امسك كيتي يطلع صوت كانه مكينة جراندي موديل 89 يعني يطلع كان معاها ربو ونا ما ادري الصوت مو واضح الا اللي يمسكها ===>غخو خعو هذا صوت الارتياح لك واحساسها بالامان والاطمئنان ماعليك السؤال الثالث انها مخشتني مخشة في رقبتي طلعت الدم من رقبتي ===>:eek: مو قصدها بس كانت تبي تطيح من على الكنبه وتعلقت في رقبتي ===> وش الحل مع الاضافر يمدحون عملية النزع .. مومشكله عملية القص لكن مثل ماقالت فطوم لازم يكون عندك داخل بالبيت ماتطلعه او تفضل هالموضوع 4-تقليم الاظافر الكاتب:قطو_Q8te http://www.2zoo.com/vb/showthread.php?t=6215 . السؤال الرابع يعني في المعتاد كم تقعد القطه عشان تولف لراعيها ؟ الحد الاقصى5 ايام - اسبوع اذا طولت اسبوعين واتبيع معاي الطرق هذي 1-امسح على جسمها ابتداء من الراس الى اخر الذيل 2-نادها باسمها الجديد 3-كوّر لها ورق - لعبها بالليزر - حركلها خيط 4-وكلها بايدك عن طريق قفشه " ملعقه " 5-حسسها انك تحبها لانه القطاوه عندهم حاسه سبحان الله يعرفون متى في زلازل والكوارث وكله نفس موجات فحاول حطها عند واحد يرتعب يخاف من القطاوه تقرب صوبه اكثر كل ماكان الانسان يخاف من القط تقرب صوبه 3-تربية وتدريب القطط الكاتب:BAAZ http://www.2zoo.com/vb/showthread.php?t=1208 الكاتب:بوفهد http://www.2zoo.com/vb/showthread.php?t=75 الكاتب: عجوز مهذريه http://www.2zoo.com/vb/showthread.php?t=4151 |
رد: طلع كم سؤال براسي وابي فزعتكم
الله على الاجابات ويعطيكم الف عافية فطوم وقطو
ومشكورين بس انا خلاص ابروح اسوي عملية نزع بكره الصبح ويعطيك العافيه |
رد: طلع كم سؤال براسي وابي فزعتكم
السلام عليكم
بالنسبة حق الأسئلة الأولى أظن الاخوان كفوا ووفاوا .. بس بالنسبة حق الصوت.. إذا كنت تمسكها بقوة واهي تحاول تفلت ( لأنك ذكرت انها ليلحين ماتعودت عليك ) يمكن تكون متضايقة.. لأن كانت عندي قطوة سوت نفس الشي لما كنت أقرب بس أبي ألمسها كانت تطلع هالصوت لدرجة إنه والله مادريت انها اهي اللي قاعدة تطلع هالصوت يصير كأنه ياي من بعيد.. ولما كنت امد ايدي أكثر كانت ( تفح مثل الحية ) هذا دليل على انها ما تبيني بعد ولا تعودت علي ليلحين.. أو يمكن مثل ما قالوا الاخوان انها مرتاحه منك ومطمئنة .. لكن في هذي الحالة تلاقيها تطلع صوت مثل الغرغرة مو مثل صوت مكينة قاضية .. :p و يكون الصوت مرة أو مرتين واهي بحضنك مو أكثر.. هذا اللي اختبرته مع القطط الجديدة على البيت .. |
رد: طلع كم سؤال براسي وابي فزعتكم
مكشور دومينك ويعطيك العافيه
|
| جميع الأوقات بتوقيت GMT +3. الساعة الآن 03:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو