|
غشمشم
السلام عليكم ورحمة الله وبركاته ،،
كيفكم يا شباب .. انا عضو جديد بالمنتدى .. وجديد بتربية الطيور (( غشيم وما اعرف شي )) ابغى بلبول اربيه وما ادري آخذ واحد صغير ولا كبير ؟ واذا صغير يعني وش كبره ؟ ومتى يبدأ تفريخهم ؟؟ يعني متى اقدر آخذ لي واحد ؟؟ ساعدوني الله يخليكم |
رد: غشمشم
افاااا ،،
مافي ردود ، ليه يعني ؟ |
رد: غشمشم
السلام عليكم
والله انا عن نفسي مالي خبره بالبلبل وان شاءالله تحصل من لديه خبره كافيه حتى يفيدك في مجال هذى الطائر لك مني خالص التحيه شكرا |
رد: غشمشم
شكرا لك اخي بوسارة
المشكلة اني متأكد ان في هذا المنتدى خبراء في هذاالمجال لكن ما حدا رد علي :( |
رد: غشمشم
ولا تزعل انا برد عليك :)
ابغى بلبول اربيه وما ادري آخذ واحد صغير ولا كبير ؟ تاخذ فرخ صغير يالغالي ودربه على كيفك وخصص له اسم لاتغيره اذا سمعه جاك وحتى انت تطعمه عوده على اسمه وقت الاكل اجلس قدامه وهو جايع ناده باسمه يجيك يركض بس اهم شي لاتغير الاسم اللي راح تختاره ومع مرور الوقت تحصله صاحبك الوفي مايتعداك ويطير فوق راسك وين ماتروح اذا كنت في البيت ويجلس على راسك كتفك على مزاجه هو وبمجرد يسمع اسمه منك راح يجيك وهو يغرد ويوقف عليك ويفرفش بجناحه لك واذا صغير يعني وش كبره ؟ يعني بعمر اسبوع وتطعمه بيدك قبل الفطام لأنها بعد شهر تنزل من العش وتطير وطريقه الاطعام تشتري اكل بلابل اسمه مكعبات تذوبها بالمويه لحد ماتصبح زي العجينه اللينه وتعطيها للفرخ بملعقه صغيره او ملقاط او بيدك تسوي زي شكل كور صغيره وتعطيها للفرخ ثلاث مرات باليوم بس لازم يشبع والله يعينك الفروخ تقعد تصرخ اذا جاعت تحملهم :D ومتى يبدأ تفريخهم ؟؟ يفرخون بالصيف يعني متى اقدر آخذ لي واحد ؟؟ تقدر تاخذ واحد بالصيف الفرووخ تنزل السوق بالصيف وتكون منتشره وخصوصا الجمعه العصر |
رد: غشمشم
كاسكو ..
تسلـــــم يالغالي ،، اذا اشتريت لي واحد وابغى اي تفاصيل تساعدني ؟ ؟ ؟ |
رد: غشمشم
ما شااء الله
الاخ كااسكو كفا وفا الله يجزييه خيير مافي شي نقووله:) والله يهنييك فيه بس اذا شريته الله الله نبغا نشووفه واهوا يغرد؛) تقبل مرووري.,.,., |
رد: غشمشم
ولا يهمك ،،
انا وصيت على واحد فرخ (( ماطلع ريشه )) .. ينفع ولا لأ ؟؟ هو يجي بعد يومين اتمنى اتمنى اتمنى ما يجي الا وعندي خبره ،، وش أأكله في ذا العمر متى يطلع له ريش وابشر اذا غرد تسمعوونه انشاءالله |
رد: غشمشم
اقتباس:
ايه حلو اذا فرخ صغير ماطلع له ريش مناسب وراح يطلع له ريش مكتمل بعمر شهر واحد ان شاء الله وبالنسبه للأطعام قلت لك بردي السابق الطريقه :) 7 7 7 وطريقه الاطعام تشتري اكل بلابل اسمه مكعبات تذوبها بالمويه لحد ماتصبح زي العجينه اللينه وتعطيها للفرخ بملعقه صغيره او ملقاط او بيدك تسوي زي شكل كور صغيره وتعطيها للفرخ ثلاث مرات باليوم بس لازم يشبع والله يعينك الفروخ تقعد تصرخ اذا جاعت تحملهم ملاحظه اخوي نسيت اقول لك شي :D لاتنسى تقطر بفمه بعض قطرات المويه عشان يشرب |
رد: غشمشم
طيب كيف اقطر له المويه ؟؟
|
| جميع الأوقات بتوقيت GMT +3. الساعة الآن 10:01 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو