|
ض ـ ـ ـ ـ ـ ــ ـ ـ ـ ـ ـ ـ ر و و و و و ر ي
السلام عليكم
شريت كاسكو افريقي رمادي عيونه بيضه بعده ماوصل سنتين .. يتكلم بس المشكله يخاف مايتكلم جدام الناس ويخاف لمه ايي صوب القفص يصرخ .. ابي اخليه يكون اليف حيل لاقصى حد اني امسح عليه ومايخاف .. شالحل؟ وهل عمره مناسب ومن الممكن اخليه يصير اليف؟ ارجو التفصيل بالجواب :D |
رد: ض ـ ـ ـ ـ ـ ــ ـ ـ ـ ـ ـ ـ ر و و و و و ر ي
وعليكم السلام أخوي
أخوي حاولت تدخل يدك عنده,,, |
رد: ض ـ ـ ـ ـ ـ ــ ـ ـ ـ ـ ـ ـ ر و و و و و ر ي
وعليكم السلام ورحمه الله وبركاته
اخوي عندك في المواضيع المثبته |
رد: ض ـ ـ ـ ـ ـ ــ ـ ـ ـ ـ ـ ـ ر و و و و و ر ي
السلام عليكم
وعليكم السلام شريت كاسكو افريقي رمادي عيونه بيضه بعده ماوصل سنتين .. مبروك اخوي وابو عيون بيضا اقل من سنه يتكلم بس المشكله يخاف مايتكلم جدام الناس ويخاف لمه ايي صوب القفص يصرخ .. الكاسكو معروف عنه خجول لايتكلم الا عند اللي تعود عليهم ومن ناحيه الصراخ او الجعره بمعنى اصح لازم تقول كم صار له عندك ؟؟ ابي اخليه يكون اليف حيل لاقصى حد اني امسح عليه ومايخاف .. شالحل؟ الصبر والترويض وارجع اقول كم صار له عندك ؟؟ وهل عمره مناسب ومن الممكن اخليه يصير اليف؟ مناسب جداً بما ان عيونه بيضاء او معنى اصح رمادي فاتح ارجو التفصيل بالجواب بس ياليت تذكر كم صار له عندك لان هذا مهم مرره |
رد: ض ـ ـ ـ ـ ـ ــ ـ ـ ـ ـ ـ ـ ر و و و و و ر ي
مع الايام رح يالف بس شوية شوية وعليك
بالمواضيع المثبتة |
رد: ض ـ ـ ـ ـ ـ ــ ـ ـ ـ ـ ـ ـ ر و و و و و ر ي
هذي صورة الطير لان مادري كم عمره ياريت رايكم وتوه صارله 3 ايام من اخذته امر يمه عادي بس من اجلس يم القفص يخاف يفتح منقاره بس مايصرخ الا اذا حطيت ايدي يخاف يصرخ .. وهادي حيل حتى تصفير ماكو كلش
http://img16.imageshack.us/img16/9097/12042009763.jpg http://img5.imageshack.us/img5/6070/12042009769.jpg http://img524.imageshack.us/img524/3906/12042009770.jpg http://img411.imageshack.us/img411/9722/12042009771.jpg http://img5.imageshack.us/img5/5334/12042009772.jpg |
رد: ض ـ ـ ـ ـ ـ ــ ـ ـ ـ ـ ـ ـ ر و و و و و ر ي
عيونه صفراء مو بيضاء هذا عمره من سنه وطالع واتوقع الله العالم انه سنه ونص تقريباً لكن حلو ومناسب مايعتبر كبير وتقول صار له 3 ايام شارية هذي مو كفايه يحتاج وقت عشان يتعود وبعدها ابدأ بالتدريب لكن انا الاحظ المجثم حقه مو مريح ونحيف وشكله مو ثابت يتحرك اشتر له مجثم هندي يباع بالاسواق يكون عريض وخشن عشان الببغاء يقدر يبرد منقاره فوقه واهم شي خذ مقاس القفص عشان يقدرون يعطونك واحد مناسب لانها تجي اشكال واحجام مناسبه لك الاقفاص وعند تركيبه تأكد انه يدخل بين قضبان القفص عشان مايتحرك |
رد: ض ـ ـ ـ ـ ـ ــ ـ ـ ـ ـ ـ ـ ر و و و و و ر ي
مشكوور اخوي لكن شلون ابتدا تدريبه يعني اول شي احاول اوكله من يدي ولا شنو؟
لان من اقرب صوبه يفتح منقاره ويكون خايف .. فشلون اخليه يتعود وشنو خطوات التدريب اول شي اوكله ولا شنو؟ بس عطني الخطوات الرئيسيه وانا اعرف الطريقه |
رد: ض ـ ـ ـ ـ ـ ــ ـ ـ ـ ـ ـ ـ ر و و و و و ر ي
اول شي اختبر الطير وشوف وش افضل اكل يحبه
اذا عرفت نوع الاكل لاتحطه عنده بالقفص خله برا على جنب وتعطيه من يدك لاحظ انا اقول الاكل اللي يحبه مو معناها تجوعه لا بس افصل الاكل المفضل عشان تعطيه من يدك جرب فول سوداني او قطعه تفاحه وهكذا واجلس عنده دايم ولاطفه وكلمه وصفر له عطه وقت يرتاح لك ويتعود عليك وطلعه فوق القفص عشان يتعود ويرتاح اكثر لانه داخل القفص يحس بأمان ويجعل كل ثقته بالقفص عشان كذا طلعه برا القفص عشان يحط كل ثقته فيك واجلس معه صفر وكلمه وردد الكلام اللي تبي يحفظ ملاحظه قوة صوت الببغاء اثناء الكلام تعتمد على صوة صوت المدرب يعني اذا قلت له كلمه بصوت منخفض راح يرددها بنفس مستوى الانخفاض لذا يراعى رفع الصوت اثناء التدريب لكي يطبق متسوى الصوت ولا تقلق هو الان يمر بمرحله خوف لانه 3 ايام مو كفايه وان شاء الله بعد شهر يكون افضل ومع الوقت اذا جاء ياخذ الاكل حاول تحك منقاره بحذر ولطف عشان يصير بينكم تقارب ويبدأ الطير يحس انك تحك منقاره وهو مرتاح ويحس بالامان وكل يوم عن يوم تطور وحاول تتقرب اكثر |
رد: ض ـ ـ ـ ـ ـ ــ ـ ـ ـ ـ ـ ـ ر و و و و و ر ي
ان شاء الله راح اجرب وانا بصراحه كنت ناوي ابيعه .. بس مادري بشوف في امل يتعود علي ويصير اليف ولالا ..
|
| جميع الأوقات بتوقيت GMT +3. الساعة الآن 01:13 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو