|
ساعدوني
السلام
كيف الحال اول شئ اقول الى كل اعضاء المنتدى وحشتوني لأنه من زمان ماشاركت وبعدين عندي مشكلة الببغانات اللي عندي ثنتينهم صار لهم 5 أيام مو راضين ياكلو حب بس ياكلوا تفاح أو اذا عطيتهم شوي بسكوت ياكلونه حاولت معاهم مو راضين تتوقعوا ايش الحل؟؟؟؟؟ ساعدوني خايفة يصير فيهم شئ خاصة انهم أول مرة الاحظ انهم قاعدين اليوم يقطعون الجرايد المفروشه لهم في القفص |
رد: ساعدوني
حاولي تغيير نوع الحبوب اذا كانت المعلبه انصح بتغيير النوعيه او اغسليها قبل تقديمها للطيور
والتفاح كويس بس مو على طول كل بعد يومين ثلاث قطعتين صغيره عشان لايسبب اسهال للطير حاول تقديم للطير الحبوب الملونه المزوده بالفتيمنات بالنسبه للجرايد نصيحه ابعدي الشبك عن ارضية القفص لان الحبر الموجود في الجريده سم للطيور |
رد: ساعدوني
ههه لاتخافين التفاح جيد لهم والبسكوت إشتري بسكوت فيه فتامنات
|
رد: ساعدوني
شكرا للردود
لكن كيف ابعد الشبك؟ مافهمت؟؟؟؟؟؟ والحب هو نفسه نفسه ماتغير لكن راح اجرب اليوم اغسله قبل شوي عطيتهم حب لكن نوعية غير مو عباد الشمس حب ابيض من غير ملح واكلو شوي |
رد: ساعدوني
اختي فان بالنسبه لموضوع الطعام عموما انتي لازم تنوعين فيه بالتدريج يعني لا تجبرين ببغائج على نوع معين وتحرمينه من النوع اللي هو يحبه انا انصحج انج مثلا تطحنين الحب(حب عباد الشمس)وتقطعين لهم التفاح وتخلطينه مع بعض وتقدمينه للطيور وبعدها تخلطين معه القليل من البيض المطبوخ وبعدها تخلطين معه الحبوب الصغيره وتضيفين اضافات بين فتره وفتره عشان تعودين الطير على جميع انواع الطعام(طريقه انا اتبعها مع طيوري) وبالنسبه للبسكويت شخصيا لا انصح به لانه فيه مواد حافظه وخطره على الطيور او سكريات او الوان او مواد اخرى تكون خطره على الطيور بالنسبه للجرايد الاخ هاوي ببغاوات يقصد لازم ما تسمحين للطيور او اكل الطيور او ماء الطيور يلامسون الجرايد لان الصبغات اللي بالجرايد عباره عن مواد قاتله للطير والاهم من ذالك ان الجرايد لا تخلو من ذكر الله فاضن ما يصير تحطينها لوصاخة الطيور وجربي حطي رمل مخصص ينباع بالمحلات وهو ممتاز لوصخ الطيور ويمتص جميع الروائح الكريهه وتبدلينه مره بالاسبوع واذا حل عليج اسبوع النضافه العالمي بدليه مرتين خخخ(شخصيا استعمله وهو متوفر بمحلات الحيوانات) واذا مالقيتيه اخذيلج رمل نضيف من البر او من البحر وحطيه تحت الطيور بس هذا لازم تبدلينه بالاسبوع مرتين او ثلاث(شخصيا ما جربته ولكنه جيد) وبعد شنو نسيت؟؟؟ اي تذكرت.... نصيحه مني لج حطي قطرات بسيطه من الليمون الاصفر او البرتقال مره الى ثلاث مرات في مشربية الماء للطيور لتقيهم من بعض الامراض وخاصه الزكام وبالذات الحين يزكمون بسرعه مع المكيفات وحاولي ما تعرضينهم لتيارات او حطيلهم مره كل يومين فيتامين بس في البدايه خمس ايام متواصله وبعدين مره كل يومين وراح تلاحظين ان طيرج يتميز حتى بريشه وكل شي اتمنى اني افدتج واي استفسار انا حاضر |
رد: ساعدوني
اقتباس:
http://www.al5yal.com/up/uploads/0f8dffb6c0.gif http://www.al5yal.com/up/uploads/45f36e2dd9.jpg والطريقه هذي تحمي الببغاء من العبث في مخلفاتو والججرايد والخخخ انشاء الله اكون افدتك |
رد: ساعدوني
شكرا للتوضيح أكثر ( هاوي ببغانات)
و (مصدي) شكرا للمعلومات على فكرة الببغانات اللي عندي أعطيها بيض واعطيها تقربا جميع انواع الفواكه والخضار وتاكلها بس البرتقال والليمون والعنب والتين ماعطيتهم لأنه مرة سمعت معلومة من قبل مايصير عندي ببغانات تقريبا من 3 سنوات من صديقات لي قالوا لي يعتبروا مثل السم بالنسبة للببغاء وانهم مرة عطو ببغاء عندهم عنبة وحدة وبعدها ب5 دقايق انتفخ جسمها وماجى الصباح الا هي ميته جربت الحين رحت اشتريت لهم حب جديد وعطيته اياه وبدو ياكلوه وانشاءالله خير |
رد: ساعدوني
اقتباس:
مصدي ماشاء الله عليييك كفييييييييييييييت ووفييييييييييييييييت بس انا راح اجاوب على سؤالها الاخير;) اختي فااان علووومك شمسويه اول شي البرتقال والليمون والعنب والتين كللها ماا تضر الببغاوات واللي يضر الببغاوات معروف ومايحتاج اقوله بلعكس عذي الفواكه اللي ذكرتيها من اكثر الفواكه فائده للببغاوات البرتقال والليمون كما ذكر اخونا مصدي انها تحمي الببغاء من الزكمه باذن الله وذلك لوجود فيتامين C فيها وحتا انها تحمي البشر بعد وهذا شي معروف بس طبعا حاولي انك ما تكثرين الفواكه والخضار يعني مثلا 3 مرات في الاسبوع تحطين لهم سطل او اي شي وتقطعين فيه الفواكه والخضار اللي ياكلونه وتحطينه لهم وان شاء الله يصيرون اجمل منهم مافيه:D واتمنى اني افدتك:) |
رد: ساعدوني
العفو يا خيتي بس ترا على فكره بخصوص معلومة صاحباتك فهي خاطئه بنسبة 85%
فالعنب وبالذات العنب الاحمر يمنح الببغاء مناعه ضد الامراض وانا اعطيه طيوري مرتين الى ثلاث بالاسبوع اما التين فهو مغذي ويحبونه الببغاوات وانا كنت اعطيه طيوري لاكن الحين ما شوفه في البيت خخخ وبالنسبه للليمون والبرتقال هنا انا اوافق صديقاتج لانه ضار للببغاء اذا عطيتيهم اياه كفاكهه مقدمه لكن بعض قطراته وخلطه بمشربية الماء مع ماء تمنح الطيور مناعه ضد بعض الامراض وشكراااا |
رد: ساعدوني
تسلم انا وسمسم شهاده اعتز بها
بس ردينا مع بعض<<<مستحي |
| جميع الأوقات بتوقيت GMT +3. الساعة الآن 06:26 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو