منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   ابرة الاجهاض !!! (http://www.2zoo.com/vb/showthread.php?t=99284)

lady_cat 22-04-2009 12:32 PM
ابرة الاجهاض !!!
 
بسم الله ماشاءالله قطتي شكلها حامل وعيالها ما كملو الشهرين وعارضتهم للتبني لان ماعندي مكان لهم

سؤالي من عندة معلومات عن ابرة الاجهاض .

سألت طبيب العايله قالي عادي ومالها اضرار رح يجيها الطلق عادي وتنزلهم !!!!
واخذت راي طبيب ثاني فالي بالحرف الواحد ( الابرة يا تسبت الحمل يا تنهي الحمل يا اسود يا ابيض مافيش حل تاني )!!!!!!!!!!!!!!!!!

كيوووت 22-04-2009 12:41 PM
رد: ابرة الاجهاض !!!
 
اختي حرام هذا قتل نفس
ماكان خليتيها تحمل من الاساس اذا ماتبينها تجيب اطفال
مو الحين وبعد ماحملت تجهضينها !!
انتي بتتحاسبين عليها "على الالم اللي بتسببينه لها وعلى ارواح الاطفال اللي بتقتلينهم في بطنها"
اذا ماتبينهم انتظري لين تولد واعرضيهم للتبني نفس ماسويتي مع اخوانهم وياكثر الناس اللي يبون قطط ببلاش

lady_cat 22-04-2009 12:54 PM
رد: ابرة الاجهاض !!!
 
حبيبتي مشكورة ع الرد

اولا انا عطيتها ابرة تمنع الحمل من ثلاث اسابيع او اكثر ومع ذلك حملت وعاتبت الطبيب بس الي صار صار انقهرت و هو مارح يتحمل النتيجه شو بيسوي يعني ولاشي
ثانيا انا كنت حريصه على انها ما تحمل وكنت اعزل الذكر عنها بس اكيد صار الي صار وانا نايمه الله العالم

ثالثا وهذا الاهم انا افكر بقطتي قبل لا افكر بنفسي ابغاها ترتاح سنتين او اكثر من الحمل وان ضد عمليه الاجهاض وضد عمليه التعقيم
وبعدين انا ما سويتها لها مع اني استشرت طبيبين انا جايه اخذ معلومات كافيه قبل لا اقرر واكيد فكرت بقطتي وفكرت بالارواح الي بداخلها
قرار الانتظار وعرض عيالها للتبني فكرت فيه ويمكن يكون هذا الحل بس بعد فيه عذاب نفسي لها ولي

تحياتي

pinky 22-04-2009 03:11 PM
رد: ابرة الاجهاض !!!
 
اهليين ..



صرآآحه انا مـآ أأيد فكره الأجهـآض ..




لانهـآ زي ما قالت خييتو .. كيووت .. تعتبر قتل نفسس ..



وحرآآم يعني خليها تفرح بأولادهـآ يختي ..

sisi_moon 22-04-2009 03:45 PM
رد: ابرة الاجهاض !!!
 
لا خيتوو حررااام .. مايصير

خلص هالمرره اذا ولدت اعرضي عيالها للتبني زي قبل وصدقيني بيروحوون

بس لاتفكرين ابدا ابداا بالابره .. لانها قبل ماتصير تعذيب ..محررمه لان فيها قتل ارواح بغير حق ..

ولاتخاافين .. مراح تتعب ان شاءالله وبتولد على خيرر :)

lady_cat 22-04-2009 04:08 PM
رد: ابرة الاجهاض !!!
 
الله يجزاكم خير خواتي ع النصيحه

وانا اخاف من ربي واخاف على بنتي بعد

خلاص ... الله يكتب مافيه الخير وتقوم بالسلامه انشاءالله

مشكورين

nagham 22-04-2009 07:06 PM
رد: ابرة الاجهاض !!!
 
تمام هذا قرار صائب
ولكن فعلا حرام قتل نفس بغير ذنب
وان شاء الله صحة قطتك تكون بخير وتفرح بيهم


جميع الأوقات بتوقيت GMT +3. الساعة الآن 04:54 AM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو