[عروس الجليل]

المشاركة الأصلية كتبت بواسطة مربي سلاحف

لاحظي انو في عليعا زي قطن خفيف ما يبان الا في المويه

وهذا موجود حولين رقبتها وبين اظافرها وعلى يداتها
وهو بصراحة يشبه اكرمكم الله بول السلاحف

على حسب وصفك هادا بيكون جلدها عم يتقشر وسببه هو نقص بالبتغذيه - فيتامين A.
شو هو الاكل اللي بتقدملها اياتو لتوكلو؟
لازم تضيف لاكلها فيتامين A مرتين بالاسبوع, ممكن انو ترش بودره عالاكل ليمتصو وبعدين تقدملها اياتو, او ادا ما توفرت عندك البودره بتقدر تستعمل فيتامين A اللي بيعطوه للاطفال الرضع, وبيجي بقطاره بتحط نقطه عالاكل مرتين بالاسبوع (ممنوع تقطر مباشره بفم السلحفاه), او انو بتقطر على راسها للسلحفاه قطره وحده بين عينيها حتى يمتصو جلدها كمان مرتين بالاسبوع!
وما تنسى بعد انو تنوعلها بالاكل اللي بيحتوي على كميات كبيره من فيتامين A, متل شرائح جزر, قطع بروكلي.. نباتات وطحالب مائيه, حلزونات مائيه..

المشاركة الأصلية كتبت بواسطة مربي سلاحف

حالة طوارئ السلحفة ساير عندها شلل ما تحرك يداتها بس رجولها والدليل اني لمن امسك رجلها تدخلها جوة
لكن لمن امسك يداها ما تسوي شي ياناس ابي حل سريع سيبوكم من مشكلة الاشياة العالقة عليها بس حطيتها في عوض صغير وكانت مويته دافيه خلوكو في مشكلة الشلل النصفي صايرة ما تحرك الا رجولها

بلييييييييييييييييييييييييييز حل بسرعة

ما بأكد على حكيك ميه بالميه انو شلل نصفي لانو شايفي وضعها عادي غير انها تعبانه شوي والله أعلم,,
انت حكيت انها بتوكل طبيعي, وانك شايف عندها ردة فعل لمن تمسك رجليها,, وادا بتسبح بالمي بيطمن أكتر..

احنا بشغلنا بنتعامل مع سلاحف مائيه كبيره اللي صارت متعوده على الاولاد والضجه, وبتصدق انو قليله هي المرات ليشوفو السلحفاة خبت كل اطرافها جوات الدرع, طول الوقت مطلعتهن وما بتدخلهن حتى لو احنا حاولنا وشدينا, يعني مشلوله؟؟ لاااا بهاياه الحاله هي صارت متعوده ومتأقلمه عالجو وما في خوف عندها

وبتمنى اكون ساعدتك, احكيلنا شو بيصير.. وبالتوفيق!