[بندولة حب]

المشاركة الأصلية كتبت بواسطة الاقحواني

السلام عليكم ياشباب

طبعا سؤالي الأول ولكم الكرامة عن براز الببغاء هل هو نجس ؟؟
تعرفون بعض المرات تطيح على الثوب ..وحنا ورانا صلاة ... بعض المرات ما ننتبه لها .

وسؤالي الثاني عندي فرخ كاسكو هولندي محجل اشوف جزء من لسانه القريب للبلعوم اشوف لونه وردي !!
طبعا اللسان كله اسود الا هذي المنطقة ... هل هذا شيء عادي ؟؟؟؟

وفيه سؤال ثالث برضه على الطاير معليش تحملوني
الحين البرد على الابواب وش نسوي بطيورنا من ناحية التدفئة ؟؟

وش الطريقة المناسبة لتدفئة الطيور ...لاني انا حاطهم بالممر والارض سراميك
احس انواع البرد في الشتاء ....هل ادخلهم بالغرفة واولع المكيف الحار والا دفاية زيت والا وش نسوي فيهم ؟؟

وشكرا للجميع

وعليكم السلام
بجاوب على اللي اقدر طيب

من ناحيت البراز ولكم الكرامه لوتسأل احد عنده علم يكون افضل
بس أذن الله وانا ماافتي
اذا كان الطير ماياكل لحوم فهو انشاء الله طاهر


ومن ناحيت لون اللسان باالعاده طرف اللسان يكون اسود واخره وردي يعني الموضوع طبيعي

ومن ناحيت التدفئه سلمك الله اشتريله بطانيه خفيفه اللي سعرها 10ريال وتحصلها بجيان
ودايم عليه عروض طايحه في كبودهم

اشتري مقاس صغير او كبير حسب حجم القفص وغطيه كامل خص وقت الليل
وباقي اليوم حاول يكون في مكان دافي مكان جلست الأهل
وبيني وبينك الممر باااارد وزياده سيرميك افرش لك فراش جمب القفص وشوف انت تبرد ولا لا
غير مكانه يااخوي الشتاء عندنا يكسر العظم وحنا ماتحملنا وشلون الحيوانات