[pitbull-lover]

بسم الله الرحمن الرحيم
اخي العزيز بخصوص الكلب الشرس ... انا الي اشوفه ان الكلب مستعد يصير اليف معاك بسرعه جدا لان اول شي الكلب صغير في السن يعني 10 شهور مو ذاك العمر الي ينخاف منه ...

اول خطوه تسويها اخي العزيز انك تدور له مكان معزول ما يجيه احد غيرك انت ويكون المكان نظيف و مرتب .
ثاني خطوه تسويها انك تحاول تجلس قدامه وتكون حركاتك هاديه معاه يعني ما تسوي حركات كثيره ولا تحاول تستفزه انك ترمي له الاكل او انك تجيب له العاب حاول انك تكون هدئ معاه جدا .
ثالث خطوه تسويها انك تجيب صاحبك الي كان عنده الكلب وتخليه مره او مرتين يقدم الاكل للكلب ولكن بوجودك ويفضل لو انك انت تسلمه الاكل قبل لا يعطيه الكلب .
رابع خطوه تسويها انك تجيب له الاكل والماء وتحطه قدامه ولكن تحركه شوي شوي قدامه عشان لا يحس انك تحطه له وتمشي ... لا اخي لما تضع له الاكل والماء اجلس وشوفه ياكل ويشرب ولاكن لا تكثر له الاكل يعني اذا خلص اكله ابي الكلب يتعود انه ياخذه منك وبعدين روح مره ثانيه و زيد على الاكل ..طبعا راح تقولي شلون الكلب شرس ما اقدر اقرب منه اخي خلي مسافه بينك وبينه يعني لا تحط الاكل جنبه يعني خليها على اخر مد للسلسله يعني شي تقدر تسحبه وترجعه بدون ما يقدر يعضك او ياذيك .
خامس خطوه تسويها انك اذا جبت الاكل وشفت الكلب جايك يهز ذيله حاول انك تحط الاكل في الصحن وتقرب الاكل من وجهه وبعدين تخليه يشم الاكل وتنزله على الارض واذا الكلب قام ياكل ابيك تحط يدك وتمسح على راسه بس مسحه وحده وتبعد عنه الين ما يخلص اكل .
وبعدها تحاول تقرب له اكثر وتكسب ثقته اكثر وانشاء الله انه يصير طيب معاك ولا يضرك ..
طبعا اخي العزيز انا جربت الطريقه هاذي وانشاء الله انها تنفع معاك ..

تقبل مني اجمل التحيات وبالتوفيق .