عرض مشاركة واحدة
قديم 01-12-2009, 03:17 AM   #10
anemal lover
هاوي
 
الصورة الرمزية anemal lover







رد: عصافير الجنه ؟؟

اقتباس:
المشاركة الأصلية كتبت بواسطة القناااص مشاهدة المشاركة
اذا صوتها عذب مره احسن من الكناري فهي باطبع العندليب ويوصل سعر الزوج الى 1000 ريال حسب التغريد والنتاج و اصله
اشكرك اخوي على المعلومه,,

اقتباس:
المشاركة الأصلية كتبت بواسطة ملك الزيبرا العربي مشاهدة المشاركة
سعرها 3000 ليرة
ثاانكس اخوووي على الإفاده

اقتباس:
المشاركة الأصلية كتبت بواسطة محمد جمعة احمد محمد حسن مشاهدة المشاركة
هل يفرخ بالاقفاص
مشكوور ع المرور

اقتباس:
المشاركة الأصلية كتبت بواسطة كوكاتيل مشاغب مشاهدة المشاركة
السلام عليكم
اخوي غلطانين الاخوان اللي ردوا عليك
هذا اسمة طائر الهويدا وهو من طيور افريقيا
هذه الطيور لاتبني اعشاشها وتعتبر طيور متطفله تضع بيضها بأعشاش الطيور الاخرى
لتفريخ هذا النوع يستحسن وضع ذكر واحد وثلاثة اناث بسلاكة او قفص واسع مع مجموعة من طيور الزيبرا المقاربة لها بالحجم
ويعتبر ظهور الذيل الطويل دليل على جاهزيتها للتفريخ
تحياتي
الله يجزاااك الف خير اخوي وفعلا استفدت من المعلومات الطيبه تحياتي لك ,,

اقتباس:
المشاركة الأصلية كتبت بواسطة عسولي مشاهدة المشاركة
اول مره اسمع بالمعلومه هذي

مشكور اخوي
مشكور اخوي ع المرور

اقتباس:
المشاركة الأصلية كتبت بواسطة صوغة مشاهدة المشاركة
انا شفت مثلهم وقالي البائع اسمهم طيور الجنة والزوج ب800 والله العالم

وهذا ماوجدته بالنت عنهم

طيور الجنة هم انواع كثيرة بس اللي متعودين نشوفهم في محلات الطيور هم الـParadise Whydah و الـYellow Backed Whydah و الـPintailed Whydah...هذي صور للذكور:





موطنهم افريقيا و الوانهم و ذيولهم تكون بالشكل اللي في الرسمة فقط اثناء موسم التزاوج.

Pintailed Whydah






الصورة اللي فوق هي للذكر في موسم التزاوج و اللي تحت صورة للانثى.

موطنهم: صحراء افريقيا
اعمارهم: سبعة سنوات
غذائهم: خلطة الفينج او الكناري و بعد يحب الـspray millet
التكاثر: شبه مستحيل لأنه متعود في الطبيعة انه يبيض في اعشاش طيور اخرى اثناء غيابها, لهالسبب سموهم parasitic birds او عصافير طفيلية.



Paradise Whydah






الصورة اللي فوق هي للذكر في موسم التزاوج و اللي تحت صورة للانثى.

موطنهم: اثيوبيا
اعمارهم: سبعة سنوات
غذائهم: نفس الـPintailed
التكاثر: نفس الـPintailed



Yellow Backed Whydah






الصورة اللي فوق هي للذكر في موسم التزاوج و اللي تحت صورة للانثى.

موطنهم: كينيا
اعمارهم: ما عندي فكرة بالضبط لكن اعتقد نفس الباقين
غذائهم: نفس الـPintailed لكن بعد يفضل الاكل الحي مثل الدود
التكاثر: في الطبيعة يبنون اعشاشهم بين الاعشاب و اشجار البامبو الطويلةو لهالسبب صعب يتكاثر في الاققاص لكن مب مستحيل مثل الـParadise و الـPintailed, بس لازم يتوفر الاكل الحي بشكل يومي..


بعض النصايح:

لا تربيهم ويا عصافير اصغر منهم بالحجم او عصافير مسالمة وايد مثل الجولديان مثلاً اذا معتمد على الاقفاص المتوفرة بالسوق, لان طيور الجنة عدائيين احياناً و خصوصاً في موسم التزاوج - اول ما اشتريت زوجين حطيتهم ويا الزيبرا مثل ما نصحني راعي المحل لكن بعد كم يوم بدت المشاكل.

بعد تذكر اذا ناوي تربي كمية منهم و مب بس زوج واحد, فبهالحالة لازم عدد الاناثي يكون ضعف عدد الذكور و هم يحتاجون مساحة اكبر من باقي العصافير لان لازم يطيرون براحة و خصوصاً اذا تبغي يكتمل نمو الذيل, في الاقفاص الصغيرة تلقى الذيل متكسر و متوسخ دايماً.

الماي لازم يتغير دوم لانهم يتسبحون اكثر من مرة كل صبح و حتى ارضية القفص لازم تكون نظيفة لانهم يمشون عالارض حتى لو الاكل معلق فوق.

اذا حاب تخلطهم ويا مجموعة عصافير فيستحسن يكون عرض القفص على الاقل مترين و الاكل و الماي متوفر في اكثر من مكان.

بالتوفيق!

ملاحظة: الموضوع منسوخ

يزاااك الله الف خيير اخووي على الملعوومااات الحلوه ,, وانا عندي منهم جوز وذيل الذكر طويل , وانا عندي قفص واايد كبير تقريبا اكثر من 6 امتار وموفر لهم مكاان فائق الروعه تقدر تقول محميه وحاط معاهم زيبراا
واشكرك مره ثانيه اخوي وماقصرت
__________________
anemal lover غير متصل