[آنـــــو]

هلا خيتو




هو واحد من الآحتمالين ؛

ممكن تكون قشره وهذي سببها جفاف الجلد وخاصه بفترة الشتاء

وتعرفيها ,, تكون بمساحات واسعه من جسم القطوه وغالباً من الراس الى الذيل هذا آماكن ظهورها غالباً

وتلاحظين لو مشطتيها بتطلع آكثر من هالقشور

والعلاج : تعطينها زيت آوميغا3 اللي هو زيت السمك آو زيت الزيتون كبديل مره الى مرتين بالآسبوع

وتمشطين شعرها دايم حتى يتحفز جلدها يفرز آكثر من الزيوت الطبيعيه ويتوزع بالمشط على كامل جسمها وشعرها ..

وتحممينها بمويه دافيه وحلوه والآفضل تستخدمين شامبو للقطط ممكن الشامبوهات البشر تسبب لها جفاف آكثر ..

وتعطينها آكل عالي البروتين ونوعية آكل ممتازه لو هي تجاريه ..


الأحتمال الثاني هي فطريات وهو آغلب ظني لما قلتي قطعه صغيره ومو شرط تكون البقعه خاليه من الشعر

الفطريات تجي برضو بشكل قشور بدون تساقط شعر ,, شفت كثير منها بالقطط اللي ربيتها

لكن تطمني هاالنوع يروح بسرعه .. خففي شعر المنطقه المصابه بالمقص

وحمميها بنيزورال ممكن مره وحده تكفيها حتى تزيل هالقشور وطبعاً الفرك

بشامبو يكون لمدة 5 دقايق حتى تتأكدين من نظافتها ,, وبعدها حطي لها علاج موضعي مرتين باليوم

كانستين / لاميزيل / دكتارين / آيودين / بيتادين ,, كلهم حلوين ويجيبون نتيجه ..

وبالتوفيق

.
.