[فهد الخليفة]

السلام عليكم ورحمة الله

بحكم خبرتي في القطط

راح اعطيكم معلومات وانشاءلله تفيدكم

كثير ناس تشتري قطط عمرها لا يتجاوز شهر ويمووت وهذا من اكبر الاغلاط

كيف تحرمون طفل رضيع من امه يالي ماتخافون الله مفكرين الحيوانات ماعندها احساس ومشاعر

لوووووووووول المهم ندخل في صلب الموضوع

1- بخصوص عمر القططه خلها عند امها لحد ماتكمل شهرين وهذا الافضل لان حليب الام له فؤاد كثيره خصوصاً في فتراتها الاولى وبحيث تاخذ دروس من امها كيف تاكل وكيف تقضي حاجتها وكيف تعتمد على نفسها

2- اما بخصوص الاكل استخدمو حليب الاطفال لا تستخدمون حليب نيدو او حليب السعوديه لانها مكثفه وتسبب االاسهال للقطط ولا يكون ساخن ولا يكون بارد خليه دافي يميل للبروده
وحاولو دائماً تعودونه على اكل (((((البيييييييييييييييييييييييت)))))
مثل قطع الدجاج الصغيره مع فرمها باليد والمورتديلا
والسمك يفضل كل اسبوع وجبه واحده فقط بدون الحليب لانه يسبب عصر في المعده وكثرة التونه او السمك للقطط يسبب رائحه كريهه للقطه

3- ابعدو القطه عن الاماكن الخطره مثل المطبخ وخصوصاً وقت طبخ الاكل لان القط معروف انه فضولي وفي هالعمر يحب يستكشف الاشياء

4- مكان النوم جيبو صندوق حذاء اكرمكم الله وحطو فيه قطن عشان تدفى

5- والاستحمام يفضل كل اسبوع بماء فاتر مع الشانبو الخاص

6- اما الاهم كيف تعودون قططكم على الحمام في بعض القطط بتشم رائحة التراب وتتعود خلاص وفيه بعضهم لا
اذا كان قطك عنيد ويوصخ في البيت احبسوه في الحمام لمدة يوم او يومين مع االاكل والشرب وافتح الباب عليه كل ثلاث ساعات او اربع ساعات اذا شفت الوصخ في التراب المخصص له اعرف انه تعود خلاص

وفي الاخير لا يسعني القول عسى ان يتقبل الله منا ومنكم صالح الاعمال

اخوكم فهد الخليفة

اي سؤال انا حاضر