[مـغرد]

عندي كروان جبته قبل 3 ايام , عمره تقريبا شهر ولسه على السيريلاك
المشكله انه من امس عنده اسهال شديد وماياكل كويس , يعني يادوب ياكل شوي ويبطل , غير كده اشوفه احيانا فاتح فمه ويلهث , هل هذا اللهث طبيعي ؟؟ علما انه ماعندي خبرة سابقه مع الكروانات .

حبيبي الاسهال طبيعي للفروخ اللي لسه تغر سيريلاك لمن توقف عنه السيريلاك اي ينفطم ان شاء الله يزول عنها الاسهال اكرمك الله .
بالنسبة للهث . مادري اذا كان تثاوب فهذا عادي وهذه عملية مفيدة لتنظيم الاكل في الحوصلة .
ولكن اذا كان لهث عاد اعتقد انه فيه علة شوف هل فيه رعشة ؟ الخبراء يفيدونك ان شاء الله .

عندي نوعين من السيريلاك , واحد بالرز من غير حليب , والثاني بالقمح وفيه حليب , علما ان كل السيريلاك الموجود في السوق يكون معاه حليب , ووصاني الشخص الموجود بواحة الحيوان بالنوع اللي بالرز من غير الحليب لأن الحليب يؤذي الطير , لكم المشكله مرررة ما يتقبل النوع من غير الحليب , حاولت اخلطه مع بازيلاء مقشرة وجزر ويادوب صار يتقبله لكن مو بنفس الدرجة للسيريلاك العادي علما انه برازه "الله يكرمكم" تحسن نوعا ما بعد مااعطيته سيريلاك الرز مخلوط مع الخضار .

ياليت واحد يوجهني بنصيحة مفيده وفي اسرع وقت قبل ماالطير يروح مني لا سمح الله .
شكرا لكم جميعا

بالنسبة للسيريلاك فعادي اي نوعية ولكن لا تضيف حليب فقط ضيف الماء سواء السيريلاك فيه حليب او مافيه ماراح يأثر .
ولكن انا شخصيا كنت استخدم mother choice وهو الارخص وماشاء الله كان كافي لتغذيته .
بالنسبة للبراز فهذا شيء عادي لان سألت وقالولي انه طبيعي . وايضا البراز كل مال الطير مايكبر يتحسن شوي . مثل فرخي السابق .
اتمنى ان اكون قد وضحتلك وافدتك باللي تبيه .
تحيـ ـهـ .. ~