[روووني]

المشاركة الأصلية كتبت بواسطة oOKittyOo

اختي رووني .. "

أشكرك على هالموضوع المفيد و المهم .. "

لكن ليش بدأتي الموضوع بنظرة تفاؤل و وضحتي لنا الايجابيات و ختمتيه بتشاؤم و سلبيات .. "

كل بلد فيه سلبيات و ايجابيات و اللي يدور على الايجابيات و الفايده يلقاها و العكس .. "

و لا نحكم على الكل من خلال فئه معينه .. "

يعني اللي مبتعث لأمريكا او أي بلد ثانيه عشان يدرس و يستفيد بيكون عنده هدف و يحققه .. "

واللي رايح و هو حاط في باله شي ثاني بيسويه حتى لو كان في بلده .. "

و من ناحية ان الطالب يقول لك ان المبلغ ما يكفيه سواء اللي رايح يدرس على حسابه

أو على حساب الحكومه تراه يصرف فلوسه في الكماليات و الفشخره .. "

يعني لو اقتصر على السكن و الأكل و الشرب و المواصلات بتكفيه و زياده .. "

و قولك وين الحكومه عنهم .. ترا المبتعثين آلاف مؤلفه .. تتابع مين و إلا مين ؟!!

جزاهم الله خير يتكفلون بمصاريف الدراسه و الحياه هناك .. "

و الابتعاث له شروط عشان يضمنون ان اللي يبي يروح يكون انسان واعي .. "

و قبل الابتعاث يسوون ملتقيات و يقولون للمبتعثين كل شي و يحذّرونهم .. "

يعني وش يسوون أكثر من كذا ؟؟!

لا نرمي أخطاء فئه معينه على الحكومه .. "

و اصلا هم يفترضون او يتوقعون إن اللي رايح يدرس يا بيكون رايح يدرس بكالوريوس أو ماستر .."

يعني ناس كبار فاهمين و يبون يتطورون و يتعلمون الاشياء الايجابيه و المفيده اللي مو موجوده عندنا هنا .. "

و انتي ذكرتي إن الأمريكان متخلقين بأخلاق الاسلام .. "

يعني اللي بيروح هناك أقل شي بيتعلم أو بمعنى أصح يسترد أخلاق الاسلام

اللي هي بالأساس أخلاقنا .. "

و سبحان الله يمكن في روحتك هناك وإلتزامك بتعاليم الإسلام و الأخلاق الاسلاميه الصحيحه ..

تلفتين النظر لك و تصححين الفكرة الخطأ اللي أخذوها عن الإسلام .. "


يعني السفر للدراسه للخارج فيها إيجابيات أكثر من السلبيات .. "

و والله لو كل مبتعث و مبتعثه التزموا بتعاليم الاسلام و كان هدفهم العلم و تصحيح صورة الاسلام ..

لا يمكن يتأثرون بسهوله .. "

آسفه على حدّه كلامي .. "

بس استغربت صراحه من نظرتك و نظرة اخوي ناصر بالنسبه للدراسه خارج السعوديه أو أمريكا .. "

على فكره كلامي عن شروط الابتعاث و اللي تسويه الحكومه قبل الابتعاث نابع من تجربه .. "

أنا قريبا رح أصير مبتعثه يعني 3 شهور أو حولها و أكون في أمريكا بإذن الله لدراسة الماستر .. "

و رح أنقل لكم تجربتي من هناك إذا الله أحياني .. "

شاكره لك طرحك .. "

آهلينووو خيتوو منورآنآ وآللهي:

اممممم بالنسبه لطرحي مو المقصد ذكر سلبيات او ايجابيات بلد معين..


لا القصد من اللي ذكرته كله حاجتين

آلآولى..ان العرب يتغير اسلوبهم ذكرت لكم صور شفتها هونيك واحنا اولى نطبقها...


وثآنيآ..الشباب اللي يضيعوون من الابتعااث


وغير كذا اللي قلته كله من الواقع خيتو

صحيح اللي بيدرس بيفلح

طيب والشباب السعوودي غالبيته مكتووم ببلاده

بيسافر لبلاد الحريه وش راح يسوي بالله؟

اهله يسفروونه عشان يرجع لهم بشهاده ترفع الراس وهو يروح هناك يضيع..والشر بكل مكان


انا كانت نظرتي مثلك...


لكن بعد السفريه انقلبت الموازين بنظري لدرجه وربي مااتمنى اكمل هناك ...بس القدر


وجهه ثانيه انتي بنت بتسافرين مع محرمك

الشباب يسافرون قروبات وكل واحد بيتآثر من خويه


وآنتي يآلغلآ ذكرتي (مربط الفرس)<<

يكوون انساان واعي...


تيب ابو 18 انسان واااعي...!

بالسعوووديه 18توه يسلمونه سياره...وفجاءه يحصل نفسه هناك وش راح يسوي....!



الشغله هذي ماشي فيها الواسطات...

غالبيه الطلاب يبتعثوون بعد الثانويه علطووول..!




ومسآله المصآريف ..لا والله المسآله مو فشخره او حاجه ...شآب مصآريفه غير سيآره سكن مثل ماوضحت عليه السفاره شايلين المسؤليه عنه

وكتب ومصاريف جامعه واكل وكل شي باامريكا محسوب عليك ......


لا وشدعوآ حيآتوووو بآلعكس عجبني اسلووبك ومناقشتك

ع العموووم انتي راح تجربين وتشوفين وربي يوفقك ويسهل الدراسه وتاخذين الماستر


وآذا عندك تعليق ع اي نقطه حياك:



دمتي والرب لك حافظ حبوووبه