[كاجو]

المشاركة الأصلية كتبت بواسطة ha?moody

السلام عليكم ورحمة الله وبركاته
شكرا جزيل الشكر يا استاد سكر على هالموضوع الاكثر من رائع
المهم:
عندي افريقي عيونه سود بس خلاص معتمد على نفسه في الغذاء بس المشكله اني حاب انوعله في الغذاء بس ما ياكل غير الفصفص والباقي ما يرضى ياكله ايش السبب وكيف الحل ؟
مع خالص تحياتي

مراحب أخوي حلو أنك تقول أن عيونه سود يعني بعده صغير وقابل للتعلم المتوقع والحاصل ان الببغاء قبل ماتاخذه ماكان ياكل الا الفصفص يعني الاكل الثاني من خضار وفواكه غريب عليه ويمكن تكون توك شاريه يعني حتى المكان غريب فـ الطبيعي انه ماراح يجرب أي شي غريب عليه ،،

بالاول أنا أنصحك لو الببغاء جديد تنتظر أسبوعين على الاقل لغاية مايرتاح على المكان وبعدين
في الليل قبل ماينام لاتخلي عنده الا المويه وشيل الاكل ومع صلاة الفجر حط في علبة الاكل تشكيله من الخضار والفواكه وحاول وأنت تحطله تاكل قدامه من نفس الفواكه علشان يرتاح وياكل لانه دائماً الطير يحب يقلد صاحبه ،،
وحاول وأنت تلعب معاه تعطيه حبوب الذره لان غالبية الطيور تاكلها وتحبها وفي أي وقت تمر من عنده حاول تاخذ قطعة فواكه وتاكل قدامه وتعطيه منها ،،
ولو الببغاء ما أكل لمده طويله لاتحط له فصفص كثير حط له كميه قليله لانه راح يضطر أنه يلجا الى الفواكه والخضار وأن شاء الله مع تكرار الطريقه راح يتعود وياكل أهم شي الصبر عليه ،،
أتمنى أني أكون أفدتك ،،