|
رد: لمن خاض تجربه الانتاج في القولد فش
اخي العزيز طارق :
اولا اخوي اباركلك على نجاحك في تفريخ الجولد فمجرد وصولك لعملية التبوييض وتفريخ البيض انت انجزت حوالي تلتي العمليه فمبروك وكمان انت بقي عندك زوج او اكتر من السمك تقدر تفرخه باي وقت تريده
اما عن مارايته زي شريط اسود او بني بانتفاخ بسيط فدي الاسماك الصغيره في اول يومين اما مارايته على البيض فده فطر وبيكون زي الندف الابيض وبيظهر كمان جوا البيضه لما تلاقي البيضه من جوا شديدة البياض وداخلها غير ظاهر
طيب المشكله كانت فين
1- انك حطيت مزيل الفطر بعد عملية التبويض والمفروض اننا نحطه قبل حتى وضع الاسماك الكبيره
وقبل بدء التفريخ
2- لما حطيت الدواء اكيد انت حسبت عدد لترات الحوض خطاء خلاك تحط جرعه مكثفة موتت الاسماك فمثلا الكتير لما بيحسب حجم الحوض عشان يعرف عدد اللترات بيحسب الطول في العرض في الارتفاع للحوض مش للمياه يعني بيكون مثلا ارتفاع الحوض 50 والمياه بداخله ارتفاعها 40 فالمفروض اننا نحسب على اساس 40 مش 50
3 - كان من الضروري وجود اوكسجين في الحوض وده ليه ميزتين بالغم من ان البعض راح يقول انه الجولد مش بيحتاج اوكسجين لكن الميزتين هما :
ا- العمل على عدم وجود الدوده الزجاجيه وهيا دوده شفافه بتنتشر في عدم وجود الاوكسجين ودي دوده بتتغذي على بيض الاسماك والسمك الميت
ب- العمل على عدم انتشار الفطر لانه الاوكسجين الجيد والتهويه بتحد من انتشاره يعني حتى لو ظهر راح يكون محدود
ملحوظه اخيره اخوي : لو لاحظت بيضه عليها فطر اسحبها بشويش عن طريق انبوب زي انبوب العصير وجه طرفه على البيض وقوم بمصه فتلزق البيضه المصابه بالانبوب ونقوم بسحبها
ارجو اخوي اني اكون وفقت في الرد عليك وانشاء الله المره الجايه راح تشوف انتاج يرضيك بس خليلي سمكتين
__________________
|