عندي ببغاء الدرة المطوقة وابي شويه نصايح من الخبراء
بسم الله الرحمن الرحيم
السلام عليكم ورحمة الله وبركاته
عندي ببغاء "المتو" أو "الدرة المطوقة" من النوع الهندي وهي أنثى
شريتها كان عمرها 5 أيام وكنت اشربها سريلاك وحتى ريشها ماكان موجود
المهم كبرت وجرب عمرها يصير سنة
كانت زينة معاي وماتعض ولا تسوي شي .. بس أنا أهملتها شهور والحين رجعتها وصارت جنها ماتعرفني .. أبي أروضها مرة ثانية لكنها صايرة تخاف مني ساعات .. بس عادي أقدر أمسح على راسها بعد ما تهدى .. وانا دايماً لما اقولها "متو" تنزل راسها وتقلبه وترفع ريلها وعينها تصغر وتقعد تصفر كل ما قلت لها متو بس ابي اعرف شمعناة هالحركة .؟هل خوف ولا شنو؟ وشلون اروضها وامنعها من العض ؟..
والكل كان يقولي طلعها من القفص المشكلة امس تميت اكثر من ساعتين فاتح لها القفص وماطلعت ولما طلعتها بيدي على طول مشت لي القفص ودخلته لييييش ؟
مشكورين مقدم
|