[صمت الأمل]

آهــا ,, أشوى الحمدللهـ خفوا عقبال العافيهـ يارب ,



أنا توقعت عند دجاجكـ الكوريزا ,, بس مادام إن فيهـ بعض الأعراض ماصارت لهم معناهـ مو أهو ..



أظن اللي عند دجاجكـ حالة زكام أو رشح قويهـ جدا ,, والرغوهـ البيضاء اللي تطلع بسبب إنسداد حلقهم وعدم قدرتهم على التنفس زين بسب إنسداد فتحات الأنف ,, وبعض الدجاج جسمهم ماتحملهـ وماتوا منهـ ..



بس مادام تقول إنهم تحسنوا ممكن إنكـ تساعدهم يتحسنون أكثر وتعطيهم بصل طازج مقطع أو مفروم ..



و كراث مقطع تقطيع صغير أو شوي ثوم مقطع .. أو حتى شوي حبهـ البركهـ ,,



لأن البصل والكراث والثوم وحبة البركهـ نوع من أنواع المضادات الحيويهـ واللي راح تقوي مناعتهم بإذن اللهـ ,,



واذا تبي تتطمن أكثر ممكن إنكـ تحاول تعزل اللي تشوف انهم تعبانين جدا عن السليمين أو أعراضهم بسيطة ..



وإذا خلصت فترة المرض تعقم القفص والمكان كله ,, يعني تغسل العلبه حقت الماء بماء حار وصابون ونقطة كلوركس (للتعقيم)



وتشيل الطبقة الأولى من التراب وتحطة في كيس متين وترميهـ أو تتخلص منهـ بمعرفتكـ .



وشوف وش اللي ممكن سبب لهم هالزكام .. هل أنت أو غيركـ يرش عليهم ماء وهو يقصد تبريدهم ؟؟



أو تعطيهم فاكهه مثل البطيخ بارده جدا في عز الحر ؟؟



أو أنت شريت صيصان جديدة وكانت في بداية مرضها وماظهر عليهم المرض وخلطتهم مع الدجاج القديم ؟؟ لأن لازم تعزل الدجاج الجديد تقريبا أسبوع عشان تشوف هل فيهم شيء أو لأ ..!!



معليش طولت عليكـ بالكلام بس كلهـ عشان الفائدهـ وعادي الحياهـ تجارب والواحد يتعلم دائما من أخطائهـ أو أخطاء غيرة >> أحم لاتعليق



تحياتي لكـ وأي أسألهـ أخرى أتفضل بطرحها و أنا والأعضاء ماراح نقصر بإذن اللهـ .