[Musab Pro]

السلام عليكم
يالغالي اعتذر جدا عن التآخر بالرد بس ابشر بمعلومات انشالله تفيدك.

اولا للاسف الاجنبيه تملك معلومات اكثر بكثير من المواقع العربيه عن السلق وهو العربي الاصل
يسمونها السلوقي العربي
(Slougui) (Arabian Greyhound) (Arabischer Windhund) (Sloughi Moghrebi) (Arabian Sighthound) (Levrier Marocain ) تفيدك في حال تبي تبحث في قوقل

وهو كلب الصيد الاول وله من المواصفات والستاندر ما لغيره من الكلاب ومتوفره في مواقع البرييد انفورميشن.

المشاركة الأصلية كتبت بواسطة د و بر

السلام عليكم

انا ناوي أجيب كلب سلق وعندي بعض الاسألة

1- بعد كم شهر يبلغ كلب السلق ؟
تختلف فترة البلوغ على حسب الجينات من سن 6 الى 12 شهر
يبين على الذكر اذا بدى يرفع رجله عند التبول اعرف انه بلغ
والانثى من الدوره اللي تجيها

افضل سن للتزاوج 16-18 شهر
2- و بأي شى أستطيع أن أدربه على الصيد وما هو العمر المناسب لتدريبه على الصيد ؟
من 3 الى 6 اشهر يتعلم الكلب التمارين التاليه
الاستجابه اذا ناديته
النضر اليك اذا ناديته
تمرين سيت (الجلوس)
لي داون (ينبطح )
stay ينتضر
ينتضر داخل السياره وتبدى معاه تدريجي الى ان ينتضر 30 دقيقه حتى لو الباب مفتوح
تمرين قيت ان عشان يركب السياره وتمرين النزول
يمشي معك بدون او مع ليش
ترك الاشياء من فمه عند الطلب
جلب الاشياء لك عند الطلب
يوقف عن النباح اذا قلت له يوقف (هو بطبيعته هادي)

خل هذا الجدول عندك وابحث في طرق التدريب بتكون واضحه بالقسم عندنا ومفصله واستعين باليوتيوب عشان تشوف التكنيك بعينك

هذي كلها تمارين عقليه له اما التمارين الجسديه تبدى تخليه يجري يوميا في مكان مفتوح ساعه
تكون له لياقه و لعب بنفس الوقت بعد سن 4 شعور
حبسه او ربطه مده طويله يسبب له توتر ونرفزه ويحبط معنوياته

بعد ال6 شهور تكثف عليه التمارين اللي قلتها لك وتجيب له ارنب او اي شي سريع وبيصيده لك

طبيعة الصيد عنده ربانيه وانصحك باكثر من كلب سلق وراح تشوف لها نضام بالصيد مو طبيعي من حيث التوزيع حول الفريسه
واحد يمين واحد يسار و واحد ورى ونضااااام لين يصيدونها


3- و ما عدد الوجبات عندما يكون جرو وعندما يكبر ( الرجاء ضعوا عدد الوجبات بعد كل مرحلة من النمو إلى أن يبلغ ) ؟

نضامه الغذائي حاله حال اي كلب ثاني
وجبه الصباح و وجبه بالليل قبل الصيد بساعتين عطه وجبه


ما نوع الأكل المناسب للجرو و للكب البالغ ؟
هو نفس نوع الطعام حقي وحقك وحق الاسد والفيل واي مخلوق

تستفيد الكلاب كثير بالطعام المنزلي اللي هو :
أغذية طازجة. دجاج طازج والديك الرومي ولحم البقر ، الثور ، لحم الغزال . الخضروات الطازجة النيئة والفواكه في بعض الأحيان. الأرز البني ودقيق الشوفان. اللبن الطازج والبيض والجبن.
اللحوم لازم تكون مطبوخه
هذا بالنسبه للوجبه الاولى اما الوجبه الثانيه تكون اكل الكلاب الجاف اللي ينباع بالمحلات وينصح بنوعيه رويال اختار النوع العمري المناسب


5- هل الجرو عندما يكون يشرب الحليب هل يأكل و جبات إضافية ؟
الحليب مع وجبه ما يضر
مثلا بيض وحليب
ا

6- وما هو الوقت المناسب لفطم الكلاب نهائياً عن الحليب ؟
وقت فطم الكلب الاسبوع الخامس او السادس تقريبا عن حليب الام لكن لا تمنعه من الحليب العادي طالما يعطيه الفائده
تقدر تقلل نسبة الحليب من يوميا الى مرتين او 3 مرات بالاسبوع


والله العظيم انا آآآآآآآسف جداااا على الأسألة الكثيرة لأني هذة أول مرة أربي فيها كلب
بالعكس يالغالي اقل شي نسويه واتمنى اكون افدتك
واي سؤال يخطر في بالك مهما كان صغير او كبير اتمنى انك ما تتردد ابد
أخـــــــــــــــــــــــــو ك د و بــــــــــــــــــــــــــــر

تقبل مروري وتحياتي