[سلمى الدوسري]

اوف اوف هههههههههه
اسمعي طيب انا بقولك حاجه
انا اذكر قبل ماجيب قطي العزيز كنت متخوفه من التربيه وزي كذا بس بعدين صار شي طبيعي وسهل
انا القط حقي فارسي هاف بكي
هو ذكر وبصراحه انا افضل الذكر لاني قبل مايبلغ خصيته وافتكيت من مشاكل الذكور وقت التزاوج
بس البنت تاخذ ابر وحبوب وممكن تضرها واحس شغله ولاده وتربيه اطفال
يعني اذا لك خلق للبنات لووول جيبي بنت
غير كذا اسعار كماليات القط ترا مو غاليه
يعني مثلا الشامبو حقه يجيك ٢٥ ريال اذا انتي بالسعوديه عاد برا مدري لوول
انا استخدم شامبو كاراس ريحته حلوه ويعقم القط
وعندك مثلا شاريه له فرشه ومشط اعواد اذان وبامكانك تكتفين بالمنديل
من ناحية الاكل يمكن بذي لازم تحرصين شوي
لان القط زي الانسان في اكل يحبه واكل لا
انا بالنسبه اعطيه كيري جبن مثلثات اقطع له خبز طبعا هذا مو دايم بس عشان اغير له شوي من الدراي فود
الدراي فود انا اشتري له مكس مياو و بيورين
ابعدي عن كل منتجات ويسكاس يقولون انه سيئه جيدا
الدكتور حق بيانكو<<القطو
قال ان ويسكاس تستخدم بقايا المسالخ
عاد الله اعلم
بس عموما مكس مياو وهاذيك الثانيه بيورين حلوه ومنهم نكهات وانواع حلو طعمها<<اللي يسمع يقول ذاقتها خخخ
حاولي ماتعطينه دايم حليب عشان مايجيه اسهال
اهم شي انك تحرصين اذا سبحتيه تنشفينه بالفوطه الخاصه له وبعدين بالاستشوار عشان مايجيه برد
باختصار ترا القط كانه طفل
انا احس من صار عندي قطو كاني جبت طفل وقاعده اربيه لووول كورس امومه مبكر
انتي جيبي القطوه اول بعدين اسئلي لاتصعبينها ع نفسك من البدايه

وع فكره انا بيانكو ماشريته من محل لاني بصراحه مااثق بالنظافه وزي كذا
اخذته من وحده لها باع طويل بتربيه القط يعني بيانكو مواليد بيت ههههه طلع من بيت ودخل لبيت