[صـمـوووت]

السلام عليكم ورحمة الله وبركاته

أهلين أخواني اعضاء تو زوو

طبعا استفدت منكم كثيرا في تدريب الطير الله يجزااكم عني الف خير

طبعا انا عندي افريقي هولندي فقع مرارتي بمزاجته المتقلب

مرات ياحبي له يخليني امسح على راسه ويخليني احطه على يدي ومافيه مشاكل وللأسف هذي قليل تصير

ومرات يعضني قطع اصابعي من العض وعضته مو هينه انتم ابخص بها طبعا وهي السائد العض

طبعا الطير مايجعر ابدا مهما سويت له

طبعا هذي صارت من خلصت اختباراتي وانا معطل حاليا لي ثلاث اسابيع

وانا صبرت عليه وحاولت اتفاوض معه واضبطه بس مو راضي وقلت ماراح انزل الاستفسار الا لين احاول ..

طبعا توصلت ولله الحمد إلى نتيجه وهي المسح على الرأس اجيه ينزل راسه بس مستحيل يطلع على اليد كل ماجيته ينزل راسه وانا ابيه يطلع ومرات يطلع ومرات يعض هبل بي ذا الطير الزاحف

والله لو اصور لكم العضات كان تقولون لي بالشوزن بس خلص عليه بس مايطيعني قلبي هذا كحيل العين


أنا ابغاه يفكني من عضه بس لأن امي بس تجلس تناظر يديني وياعمري وياعمري لاتخليه يعضعضك

وهل استخدم مع القفاز لتدريبه على ترك العض ؟؟

نسيت شي ثاني بعد << نشبه الرجال ذا

تدريب الطير على الكلام طيري عمره تقريبا سنه و اربع او خمس شهور عجزت وانا اردد عليه هلا هلا هلا هلا اجلس ارددها عليه ربع ساعه

وماعنده الا تشكيلة تغريدات بس

طولت عليكم آسف انتظر ردودكم وخبراتكم