[ابو محمــد]

المشاركة الأصلية كتبت بواسطة medozoom

بسم الله الرحمن الرحيم

والصلاه والسلام على اشرف الانبياء والمرسلين

بعد صبر و عناء و تعب و تأني << اوما تأني وش عنده الحبيب

ربي حقق لي حلمي بالطيور ولله الحمد

الموضوع وما فيه :

انا كنت احلم << متى صحيت خخخخخ ..احلم يكون عندي يلوناب بس قلت صعب يكون عندي يلوناب لانه غالي والكل عارف هالشي

وكانت ايامي عاديه وحلوه بنفس الوقت كل فتره اشتري طير واستمتع فيه وادربه واحبه وفي الاخير ابيعه ليه؟ ما ادري

المهم اجازتي باقي لها كم اسبوع وتخلص وانا ما سافرت ولا مكان<< وين طالع باريس ؟<<لا والله لا باريس ولا شي بطلع الديره وودي اشوف الاهل لانهم سافروا الديره قبل كم شهر وراحت حياتي واجازتي ما غير اغير للطيور حب ومويه حسسوني اني شغال عندهم

قلت يا ولد بيعها كلها طبعا ما عدا محبوب الحبوب وسافر وعيش حياتك قبل ما تخلص الاجازه وتقشر بصل
فجأه جاء ببالي ليش ما ابيعها كلها واشتري يلو ناب

وبعتها الحمد لله

وربي حقق لي حلمي باصغر فرخ يلوناب يمكن بالمملكه ماشاء الله تبارك الله حتى عمره حوالي 50 يوم

ماشاء الله درجه اولى في اليلوناب على قولتنا بيووور

طبعا مجحل والي اخذته منه يقول الطير جايبه من امريكا من ولايه مدري وش اسمها خخخخخخ

ومعاه سيريلاك خاص من هناك طبعا قلت يابو نايف ربي حقق لك توكل على الله

وسميناه Joe الله يحفظه

طولنا عليكم

خلونا نشوف Joe مع بعض

اسألكم بالله اذكروا الله وصلوا على النبي وقولوا ماشاء الله تبارك الله



وهذي وهو مسوي قوي ومعاه كورته الخاصه خخخخخ حقك يا Joe !!


وهذي لعبه ولدي نايف واهداها لـ joe بمناسبه قدومه للمنزل


يشبه محبوب صح؟؟ خخخخخ






هذا ذيله توه يطلع


حتى ريشه ما اكتمل وفيه ريش الزغب هذا تحت الجناح وان شاء الله يكتمل ويصير ولا احلى يا رب

وسلامتكم

ولكم محبتي وصدق مودتي

محبكم

ابو نايف

ماشاء الله تبارك الله

ابو نايف اجمل ما رأت عيني الله يطعمك من خيره ويكفيك شره,,

والله فرحت لك وشرهان عليك <<<العاده تكلمني

عموما امسك بريك وجلنط ولا عاد اشوفك تمر قسم البيع Ok

لا تنسى تجيبه معك اذا جيت الشرقيه عشان شجاااع يعطيه كورس .

لا تروشه في هذا العمر اعرفك مجرم نظافة

الله يوفقك وتستاهل كل خير واقرأ عليه المحصنات.

بالتوفيق اخوك/ابو محمـــد