[الولد الكويس]

السلام عليكم
أسعد الله اوقاتكم بكل خير اصدقائي الكرام
وكل عام وانتم بخير

عندي بعض الاستفسارات الهامه بالنسبه لي واتمنى تفيدوني فيها وهي كالآتي:

بالنسبه للفقاسات ماني قادر اتخيل كيف طريقة عملها لأنه الي اعرفه حسب خبرتي البسيطه جدا انه اذا مسكت البيضه في اول يومين بيدك خلاص تفسد
طيب انا كيف اشيل البيض واحطه في داخل الفقاسه؟؟ وكيف اصلا الفقاسه على ماسمعت انه تقوم بتقليب البيض طيب يعني من جوا البيضه ماتتلخبط وتختلف تركيبتها ومايجي صوص؟

طيب هل اقدر افتح الفقاسه كل يوم واحط فيها البيض الناتج من اليوم واذا ممكن كيف اعرف بالتالي البيض القديم من الجديد ويتلخبط كذا موعد التفقيس!!!

فيه اشكاليه كبيره جدا وهو موضوع البيضه الملقحه والبيضه الغير ملقحه.. انا اعطي الدجاج عندي من الاكل الي يجي بالسوق الي كأنه مسحوق ومجروش وفيه كل الغذاء على قولهم وهو الي يخلي الدجاج يبيض حتى لو بدون ديك طيب على كذا شكله البيض الي عندي غير ملقح وماراح يفقس حتى لو حطيته بالفقاسه سنه صح والا لا؟؟

علما بانه كل الي عندي 5 دجاجات وديك واحد وناوي ازيد الدجاج اوصله 10 او 15
وحاليا تنتج تقريبا 4 بيضات يوميا واشيلها كلها للبيت بس حاليا ابغا اجرب انتج صيصان

هل اذا زدت عدد الدجاج الى 10 او 15 اقدر ازيد ديك ثاني او اثنين ؟؟ خايف يتهاوشون وتصير معارك طاحنه تؤدي إلى قتلى وجرحى افيدوني ارجوووووووووووكم

وآسف والله على الاطاله والله يوفق ويرزق كل من يرد علي ويفيدني

منتظركم