السلام عليكم ورحمة الله وبركاته
رحت بالكاسكو للبيطري عشان يفحصه ويعطيني فيتامينات له
المهم البيطري طلع (غبي) مع احترامي له
دخلت عنده انا واخوي(طبعا اخوي ما يعرف ولا له في هذا الشئ ) والببغاء جعر
البيطري: انت حاطه لوحده ولا عندكم بالبيت ؟
انا: لا في غرفه لوحده عشان لسه جديد له 4الى6
البيطري :لا خلاص كافي حطه عندك فوق في البيت عشان يتعود عليكم وترح البحه دي منه
انا: بس يقلون لازم اول اسبوعين احطه لوحده
البيطري:لا ماينفعش حيتوحش زياده
انا :اوكي (طبعا ما راح اطلعه عشان ابوي لسه ما يدي به)
اخوي: ايش جنسه.
انا:ما ينعرف الا بتحليل DNA
البيطري:ضحك ضحكة طويله وقال انا اقلك ايش جنسه
راح يشوف رجله وهو يتسلق القفص وشافه وقال (زكر)
انا :كيف عرفت ؟؟؟؟؟؟؟؟؟؟؟؟؟؟
البيطري:اذا موجود اصبع في رجله من ورا هذا زكر واذا مافي طبعا انثى
انا :رقعتها وقلت ممكن تقص لي جناحه ؟
البيطري :مش عرف امسكه لانه متوحش شوئ ولسه مش متعود ولو قصيت له جناحه هيتوتر زيادة
وينهار وممكن يموت لكن جبهولي اذا تعود وانا اقصه ليه
انا : شوئ حسيت نفسي صدقت او خفت عليه وقلت له خلاص
اخوي قاله:كم عمره؟
البيطري : منا مش عارف امسكه عشان افرد جناحه
انا: كيف تعرف من جناحه؟
البيطري: من الريش
انا:ضحكت عليه وقلت له ينعرف من عيونه اذا كان سودا .....الخ
البيطري:وانا ممكن اعرفه من جناحه
اخوي:طيب ايش نعطيه اكل غير هذا اللي في القفص (قصده الحب الشمسي)
البيطري:لا هذا كافي وفي محلات الحيوانات اكل مكعبات وحاجات زي كده
انا:طيب الحين مافي اي مرض ؟
البيطري:انا هأعطيك ادويه وفيتامينات اذا كان في اي شئ راح يخرج منه (يعني استعمال للوقاية)
انا : اوكي
هذه الادويه
هذا مضاد(بودرة) قالي حطه في ملعقه بتاع الحلى في الصباح مع المويه
وهذا فيتامينات قال :الليل تغير المويه وتحط 5 ملي في المويه (طبعا سائل)
انا:كم مده كل واحد منها
البيطري:12 ساعه
انتهى الحوار
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صراحة بعد كل هذا انا خايف من الادوية
ايش رايكم في اللي صار والادوية
وهل احد مجرب الادويه لاني خايف منها؟
وماراح استعمله الا بشوركم
وايش تقولون اطلع الببغاء واعترف؟ بس حتى الحين مايكل قدامي
وكلام البيطري على انه يعرف العمر من ريش الجناح صدق ولاكذب؟
ياليت لو تردو لي بسرعة لاني بأنفذ اللي راح تقولونه