[Dominique]

آنه والله الصراحة ما علمت دومينيك شي إلا إنه يروح الحمام ويعرف اسمه.. باقي الشغلات بروحه الأخ مخترعلي حركات تفطس ضحك ..

أخذي مثلا :

إحنا حاطين حوض سمك صوب الدريشة اللي تطل على الحوش.. إذا شفنا طيور وحمام بالحوش نشيل دومينيك ونحطه على الحوض ويستانس الأخ يحرك ذيله ويروح يمين وشمال على حوض السمك يطالع الحمام

جم مرة صدق عمره مسكين ونط على الدريشة يعني يكون بيصيد الحمام .. يدعم بالزجاج ويطيح على الأرض

فتعلم كل ما حس بشوية ملل يروح صوب حوض السمك ويماوي ويحاول يصعد بس ما يقدر..


الشغلة الثانية:

احنا لما نكون نايمين بالليل نحبسه عندنا بالغرفة لما نقوم الصبح نخليه يطلع معانا بحدود البيت من داخل ما نطلعه الحوش أبد ..

إذا قام من النوم قبلنا يبي يطلع ( طبعا لا حصران ولا يوعان بس عيارة ملل- لأن حمامه بغرفتنا الثانية وأكله عندنا -يعني طول الليل شارب وماكل ورايح الحمام ) بس يبي يطلع من الغرفة

يماوي ويماوي

إذا شاف ماكو فايدة يأذيننا وينط بويوهنا واحنا نايمين علشان نعصب ونفتحله الباب وإذا درنا ويوهنا عنه للصوب الثاني يمشي على المخدة فوق روسنا للصوب الثاني وإذا غطينا روسنا يدخل تحت الغطا لما نقوم ونفتحله الباب

شفتي الهنا اللي أنا فيه ياختي يعني مزعج مثل دومينيك ما شفت ليلحين

صارلنا فترة نطلعه معانا بالسيارة .. أول لما كنا ندخله الصندوق علشان نروح البيطري كان يصير قبلها صيدة مصيدة

بس من عقب طلعات التمشي على خط البحر والوناسة والهياتة صار من يشوف الصندوق ونناديه يدخل على طول

لوووووووووول يموووووووووت على الطلعة

إذا علمته شي يديد بقولج

قرقت وايد يالله باي
.
.
.