[يوزرات]

السلام عليكم ورحمة الله وبركاته

شهر مبارك ع الجميع ..

انا كان لدي كاسكو ، وحبيته حب ما بعده حب ، بس طااار عليه ...
وقريت عن الكوكاتو و شريت لي وااحد ( وطبعا شريت كاسكوو احب هالطير والله ، عمره تقريبا سنه وشهرين ..)

المهم الكوكاتو احبه وهو بعد ما يبي يفارقني ، وماشاء الله مرح ويلعب ..

بس اللي متعبني فيه :
1- اذا رحت عنه يقعد شوي ما تتعدى دفيقه ويصارخ بقوه ، مع انه برا القفص ومع الاهل بس لازم اجي عنده او اشيله ويطلع معااي ..
2- اذا هااه ما صارخ بالكثير بالكثير خمس دقائق يروح ويمشي يخرب اي شيء قدامه ،وبعدها يجلس يصاارخ

صراحة ازعج البيت ، وانا صعبه اقعد على طول عنده او اشيله معااي على طول ..

طبعا حاليا الطير ينام معاي بالصبح و بالليل احاول اخليه اكثر وقته معاي
وجربت احطه ع الاستاند حقه وقفلت عليه بغرفه اللي ينام فيها وطفيت اللايت جلس يصارخ ( والله تقول شغل المتعمد ) .. خليته يجي ربع ساعه رفض ينااام ...

وصراحة نفسي اوقات العب مع الكاسكو وادربه بس الكوكاتو ما يرضى الا يكون عندي وطبعا صعبه بتكون فيه غيره

ايش اسوي علشان اخليه يبطل يصارخ ، والله اني نويت ابيعه بس قلبي ما طاوعني احب هالطير ..
وطبعا بطل يشكل ( تصفير على خفيف مره ) يجلس يخربط مدري ايش يقول

تكفون اللي معاه كوكاتو او واجهه مثل هذه مع طيره يقولي ..

وشكرا لكم