[كاسكـــو]

1 : اي ببغاء نفس الشي ماتفرق اذا كاسكو او امازوني ولا نوع ثاني

2 : ايه حطيه بمكان يشوف الطالع والداخل لحد ما يتأقلم

3 : المضاد هذا علاج مانحتاجه الا اذا لاسمح الله مرض الببغاء اما الفيتامين فهو جيد وبعطيك اخر شي نوعيه طيبه

4 : الحبوب المشكله المخلطه اكثر شي ثم الفواكه والحضروات بشكل قليل وقطع صغيره لانها كثرتها تسبب اسهال
يعني مثلاً الفاكهه زي التفاح مره او مرتين بالاسبوع وتكون قطعه صغيره

انا شخيصاً طريقتي مع طيوري وهي طريقه شخصيه اعطيهم حبوب مشكله + فيتامينات شامله كل شهر فقط

يعني خضار فواكه انا ماستخدم والحمد لله طيوري عال العال

بالنسبه للعيادات البيطريه هو مذكور لي كم عياده كويسه لكن انا ماجربتها ابد والعهده على الراوي يمدحون فيها

اذا تبين اسمائها ارسلها عالخاص لاكن انا ماتحمل شي بس فيه ناس جربوها وقالو ممتازه والله اعلم

واخيراً هذا اسم الفيتامينات اللي انا استخدمها من كم سنه وهي شامله لكل الفيتامينات والعناصر الضروريه

واسمها مولتي فيتامينز << واضح من الاسم انها فل كامل كل شي موجود وطريقه الاستخدام هي

5 قطرات بالماء مع تغيير الماء كل 24 ساعه لمده 7 ايام من كل شهر ( كل شهر 7 ايام بس ) وهذي صورته