[صمت الأمل]

المشاركة الأصلية كتبت بواسطة ﮭاﯠﯥ ﻄﺒﻴﻊﯥ

تصدقين صمت

قريت ردك أكثر من ثلاث مرات وخصوصا هاا السطرين

أتخيل شكلهم

صار معي نفس الشيء يوم عالجتهم من رشح قوي صارو فيه قريبين من الموت بعد العلاج بـ يوم واحد

مشاء الله عليهم كأني معطيهم منشطات مشاء الله

فيهم نشاط و حيوية غيييير

شويت أسئله أزا بتسمحي

هل عالجتيهم في الصيف أم الشتاء حرارة + زيت

بيض القمل يموت من الزيت أو لا

و لا تنسي باقي الأسئلة الله لا يهينك

في انتظارك

أكيد اتفضل وخذ راحتكـ في الأسألهـ .. يقولون اسأل مجرب وعانى ولا تسأل طبيب .



أنا عالجتهم في الشتاء ,, وكان الزيت خطير عليهم لأنهـ يجمع البرد ..



لكن فضلت انهـ يزكم شوي من الزيت ولا يموت من فقر الدم اللهـ لايباركـ في بليس هالقمل ..



والزيت تحطهـ عليهم بدون تحميهـ أو أي شيء .. على طول طازج من العلبة للريش (( الريش مقرمش من برا ولزيز وطري من جوا ))



والبيض كذلكـ يموت من الزيت .. لأن القمل يسبح في الماء ,, لكن في الزيت يغرق ويموت في لحظتها.




واذا تبي زيادة تأكيد في القضاء على القمل ممكن تكرر لهم هالطريقة مرة كل 3 _ 4 أيام ..



لكن أنا سويتها مرة وحدهـ وماتوا على طول ولا احتجت أكررها .



ممكن اذا الحالة شديدة عندكـ تكررها مرتين فقط .



ان شاء اللهـ أفدتكـ وأفدت كل من يعاني من هالمشكلة ,, وأي استفسارات أخرى اتفضل بطرحها .



تحياتي لكـ .