[الخبيرة ناديا]

ماشاء الله تبارك الرحمن

مرره صغير ..

احسن شي انك عزلته عن اخوانك الصغار لان القطط الصغيره ماتتحمل ضغط شديد عليها من قبل

الاطفال الصغار وقت مايشيلوها..

القط الان فاقد امه ويبداء ينادي عليها كثير فلازم تعوضه بجلوسك معاه دائما وامسح عليه حتى يحس

بالامان ويتعود عليك ويحبك اكثر ..

وصدقني الكيتنز بالعمر هاذا راح يحس فيك كامه بالتمام اذا حبك وتعود عليك..

بالنسبه للاكل لابد انك تعطيه اكل مخصص للكيتنز ومكتوب على العلب الجاهزه العمر المعين

وانت اشتري من شهر الى شهرين ..

مع اني افضل الاكل البيتي الصحي واللي انت تحضره له ..

فيه وصفات ممتازه ومغذيه للكيتنز وهي:

اسلق الدجاج بدون ملح او بهارات وبعدها افصل الجلد والعظم عنها واهرسها مع زبادي ..( الوجبه الاولى)

اسلق البطاطس مع جزر واهرسهم ( الوجبه الثانيه)

سيريلاك بالقمح او بالرز اعمله مثل وجبه الاطفال لاثقيل ولاخفيف ..راح يحبه كثير..لاكن لاتكثر منه لان

كثرته تسببله امساك ..

دراي فود خاص بالكيتنز من رويال ممتاز جدا جدا وحباته صغيره ..ومفيد وغني بالفيتامينات.

اعطيهم من الدراي فود كسناك بين الوجبات ولاتعتمد عليه كغذاء اساسي له..

والحليب حاول تقلل منه لان كثرته راح تسببله باسهال شديد..

واعطيه تونه بدون زيت ..ابحث عن تونه بالماء ..صفيها من الماء واعطيه منها مره واحده بالاسبوع حتى

مايصيبه الاسهال ..لان السمك غذاء مفيد جدا للقط .

والوجبات الرئيسيه هي ثلاثه تتخللها اما دراي فود او جبنه مثلثات..واهم شي نوع في الاكل ولاتعتمد

على نوع واحد كل يوم..

والفيتامينات لاتعطيه الان فقط اذا كمل الثلاث شهور ابداء اعطيه منها ..

بالنسبه للحمام الان هو صغير ولازم تبداء معاه من الان الى اسبوع كامل بطريقه معينه وهو شوي شوي

راح يتقنها لاكم بعد عده حوادث واخطاء..الطريقه:

لابد انك في اول ثلاثه ايام تخليه بقفص كبير معاه الماء والاكل والليتر بوكس ..واقفل عليه.

وكل يوم طلعه من القفص ومشيه شويه وامسح عليه ورجعه مكانه..

وبعد الثلاث ايام خلي باب القفص او الشبك الكبير مفتوح على طول مع اقفال الغرفه عليه..

وهو على طول راح يعرف طريقه لليتر بوكس ..وبعد اسبوع ابعد القفص واترك الليتر بوكس في ركن الغرفه مع الماء

والاكل..وراح يتعود على طول على مكانه الجديد .

لاكن حاول انك تصبر عليه لانه الان فاقد امه والمكان جديد عليه فيبغاله وقت اطول حتى يتعلمها ..

والقطط ذكيه وتفهم بسرعه..