[Dominique]

المشاركة الأصلية كتبت بواسطة weizar

5 - اذا قضت حاجتها الله ( الله يكرمكم ) تقوم من الرمل وتقعد تناقز وتركض وتنخش وتطلع تطالع فيني وتقعد ثانية وتنطلق مرة ثانية وتنخش وتطلع من 3 الى 4 مرات ... محيرتني والله كم مرة اقول شكله فيه جني اعوذ بالله .

وعليكم السلام وياهلا ومرحبا بك بيننا أخو عزيز

بالنسبة لأسئلتك

تنام بسريرك عادي ماكو أي مشكله قطوي دومينيك يرز عمره بسريري عادي ، تبوسه عااادي بس على راسه طبعا مو أي مكان ثاني بس لازم يكون مطعم ومتروش

وتروش القطة مرة كل أسبوعين علشان لا تمرض بس هالحين في فترة الشتاء مرة بالشهر كافي لأن القطة بطبيعتها نظيفة .

من كثر ما أبوس دمدم صار يلحقني بكل مكان يدري اني أكثر وحده احن عليه وما ارضى أحد يأذيه

ماله داعي كلما لمسته تغسل ايدك ( هذي صارت فيني اول ما جبت دومينيك ونشفت ايدي حيل من الصابون ) لا تخاف بس لازم يكون مطعم

بعدين تعال وشذا ( نصاب )

لازم تطعم القطو ( تدري ان القط اسرع حيوان يصاب بفايروس انفلونزا الطيور ) ؟؟

لازم تطعمه مثل ما قالك البيطري ولا أي مرض يصيبه بيعديك ولازم تعالج اللي على اذنه والدم اللي ينزل منه بعد قضاء حاجته.

بالنسبة للشيل فشيل الرقبة هذا يحسس القط بأنك انت المسيطر عليه ويشل حركته وما يخليه يقدر يعض أو يشمخ وانت شايله، وفي طريقه انت تحمله من ثنية رجوله الأمامية على طول ( من تحت الأبط يعني ) وهو معطيك ظهره وتقعده بحضنك بس لاتضغط حيل على البطن أو تحت الأبط بعدين يعافر وما يخليك تشيله مرة ثانية .

وكل واحد وله طريقه يرتاح فيها بشيلة قطته.

والقطة بطبيعتها راعية مزاج ..

يعني مرة تبيك وتلحقك بكل مكان ومرات اذا حاولت تلمسها تتسدح على ظهرها علشان تشمخك اذا لمستها لأنها مالها خلق لك


العب معاها كور لها ورق وخشخش فيه بأصابعك وشوف عيونها شلون تقلب وبس تحذف الكرة الورق تركض وتلحقها


بالنسبة لرقم 5

لوووووووووووووووووووووول

هذي تبي تلعب نفس دومينيك يسوي فيني هالحركة

قاعدة تقولك تعال صيدني

يسجد على الأرض ويحرك مؤخرته يمين وشمال وتقلب عيونه برتقالية وينط مرة وحدة علشان نلحقه

واحنا معودينه نصرخ ( صادوه صادوه صادوه ) ونلحقه فاهو ينط وينخش ويرجع يركض جدامنا مرة ثانية علشان نلحقه فنرجع نصرخ صادو صادوه

يستاااااانس من هاللعبة ..


بس والله جد روح طعمها مثل ما يقولك الدكتور ولا انت راح تصيبك أمراض .

واذا في أي استفسار فآنه بالخدمة
.
.
.