[masmas1001]

المشاركة الأصلية كتبت بواسطة emarati

تسلم يا بطل...انت افدتني كثير جزاك الله خير... بس مانصحتني اي نوع منهم ( جاك راسل او هاسكي او جيرمن او دلميشن او في نوع اخر تنصحني فيه) على خبرتك.......انا بطبعي هادي فطبعا ما راح احب الكلب المزعج كثير........وبخصوص اذا كان الجرو شهرين او اقل هل يفضل يكون في مكانه او عندي في الغرفه غاى شان يعرفني اكثر..
وشكراااااااااااااا يابطل واسمحلي اذا ثقلت عليك

دا على حسب انت عاوزة شرس شوية يعني للحراسة ولا للعب ؟؟؟ علشان تفرق ، انت عاوز مواصفات الكلب اية وسبب وجودة اية علشان اقدر اساعدك

يعني انا مثلا احب الكلاب الشرسة بس مش شراسة كدا على الفاضي زي رود وايلر وكداااا بس يقدر انة يدافع بشراسة لو حد اعتدى على البيت او علي انا او على اي فرد من البيت وفي نفس الوقت انا مش عاوزة مزعج على الفاضي والمليان بس وقت الجد يعمل على طول الصح

وانا عن نفسي عندي سان برنار وللاسف اغلب الناس فاكرة انه كلب طيب وملوش في حاجة بس هو عكس كدا وعلى حسب ما تعودة يعني هو مالوش صوت وهو لوحدة غير لو جعان او في اي حاجة غريبة ولو اي حد بس فكر انه يعمل حاجة او دخل البيت وفكر انة يتحرك من مكانة
وانا بحب الحجم الضخم وهو فعلان لما بيكبر بكون حجمة ضخم جدا علشام كدا بيحتاج مكان واسع ويفضل لو عندك مكان برة البيت زي جنينة او تراس وكفاية شكلة مرعب بعيونة وبقة ونظرة فيها ذكاء ويظهر انة طيب بس لو اتعصب قول يارحمان يا رحيم بس دا اذا انت كنت معودة ان محدش يلمسة وهو صغير ومحتاج شخصية قوية علشان تحكموا لانة عنيد ومحتاج تدريبات طاعة محكمة علشان مع الحجم دا لازم تتحكم فية لانة لو فلت ممكن ياخدك وراه جري زي الورقة

وجربت الجيرمن بس مشكلتة صوتة وهو كثير النباح وانا محبش الكلب اللي كدا على الفاضي والمليان انا احب اللي ينفذ على طول

والشراسة قوي بتبول او رودويلر بس دول محتاجين شخصية قوية علشان تقدر تحكمهم قوي وشراستة عالية


وبالنسبة للهاسكي برضوا علب جميل جدا ولعوب جداااااا بس انا مجربتش التعال معاه لان هنا في مصر مفيش منة الا ناااااااااااااااااااااادر قوي قوي

والدلميشن كلب رائع جدا جدا ولعوب ومش شرس برضوا

فلو امكن قولي بس اية المواصفات اللي انت عازوها ؟؟؟؟؟

وبخصوص مكانة عادي حتى لو هو صغير ممكن تسيبة في مكانة الافض طبعا علشان يعرف بعد كدا انة عندة مكانة وهتدربة بعد كدا لو عندك حد ضيف هتقولوا بس على بيتك هيدخل على طول لوحدة ويكون مخصص لية وانا بافضل كدا علشان يكون بعيد عن سريرك ومكانك انت علشان ما يتبهدلش المكان حتى لو كان سنة صغير فانت هتروح تقعد معاه وتلاعبة في مكانة وممكن تخرجة برة مكانة عادي وقت اللعب ولما ينام او هقعد لوحدة يدخل على مكانة علشان يعرف انة مكانة ونومة فية
وهو كدا كدا اول ما هيجي هيكون خايف شوية غالبا لغاية ما يتعود على المكان فعودة على مكانة وبيتة احسن من سنة الصغير

وتحياتي ليك