[Musab Pro]

شوف يالغالي .. بالنسبه للانتباه اللي انت تطلبه منه طبيعي يكون مشتت اول ما تفلته

والتدريب يحتاج الجو المناسب يعني اول ما تطلعه من بيته خله يلعب ويفضي الطاقه اللي فيه

واذا كان جوه اوكي ابدا التدريب اذا حسيته مو مره اوكي خله ياكل بعدين دربه .

وبكل الحالات هو لحد الحين جرو وتوه على هالاشياء خلك حنين معه ولاحق خير باذن الله .

النسبه للقفازات ما ادري ليه يخاف منها ولكن انت بامكانك تستغل النرفزه هذي بالمستقبل

في تدريبات العض والهجوم ... او انك تحل المشكله عن طريق خلط الاشياء اللي يحبها بمخاوف الكلب

والطريقه انك تحط له الاكل بالقفاز وتخليه يكسر الحاجز شوي شوي .

وقت اللعب والدلال تقرب له القفازات شوي شوي وتشجعه وتحكحك صدره رجوله شوي شوي

لين يتعود عليه ..

القاعده تقول ان افضل طريق لكسر خوف الكلب هي انك تخليه يواجه خوفه بالطريقه السليمه .

لو بغيت امثله اكثر مثلا .

الخوف من الاماكن المرتفعه تبدآ معاه تدريجي من 10 سم ارتفاع .. الى 20 الى 50 وهكذا

مع ضرورة الانتباه الى عمر الكلب وتشجيع الكلب وتحفيزه .

الخوف من السيارات .. يقرب تدريجي للسياره ويتمشى حول السياراه وهي واقفه وياكل جنبها

تركب معه داخل السياره وتمدحه وتمسح عليه .. بعدين تخليه برى وترمي له اكل داخل السياره

لين يركبها لحاله مع اعطاءه الامر والتحفيز والتشجييع .

الخوف من الاصوات العاليه ... الخوف من الناس .. الخوف من اخشاب او حدايد او عصي

كلها لها نفس الطريقه .

اتمنى ان المعلومه وصلت بالشكل الصحيح .