[كاسكو البحرين]

المشاركة الأصلية كتبت بواسطة بتار الريل

السلام عليكم ورحمة الله وبركاته


نشكركم على هذا الموقع الجميل اولا

ثانيا شريت ببغاء افريقي قبل يومين وأوريد كيفيت تعليمه للكلام وكيفيت أخليه يلعب معي وكيف يصعد على اليد وماهي الالعاب وياليت يكون فيه مقاطع تعليم فيديو
عمره سنه ونص راعيه الاول يقول يتكلم ثلاث كلمات ويصفر وهو مايعض

يعني ببساطه شاري ببغاء وانا ما أعرف شي

داري طولت عليكم

لكن فزعه
ولكم جزيل الشكر

اترك الطير في حاله لحد مايتأقلم على المكان الجديد

ارفع القفص عن الأرض مترين او مترين ونص

أول أسبوع قم بتبديل الأكل والماء فقط

عموماً فترة الإنتظار تفضل ان تكون كبيرة لمصلحة الطير وأخذه على الوضع الجديد وانا من خلال تجربتي تركت طير من طيوري الكاسكو فترة 3 شهور بدون عمل اي شيئ لحد ما صار لعوب وحركي في القفص وصار عنده طمأنينه لي وللمكان واذا صبرك قليل خله على الاقل 3 اسابيع

تعليم الكلام اخوي يكون افضل شيئ قبل وقت النوم ، اقفل اي شيئ يلفت انتباه الطير مثل التلفاز او راديو او اي مصدر يصدر صوت مثل الطيور الأخرى ، خفف الإضاءة وانا استخدم طريقة وألاحظ جابت معي نتيجة ممتازة وسريعة ولله الحمد ، حاول تغطي القفص وفتح الواجه للقفص بالأكمل بداية خلك بعيد اشوي عن الطير وانت تتكلم تقترب اشوي اشوي ، والكلمات الأولية يفترض تكون كلمات سهله وسلسة النطق مثل(ألو)(هلا) ويفضل الكلمة اللي بالوسط حرف الواو وبالمد الكلمة مثل(كـــــو كـــــــــو) ، وانا افضل تختار الى الطير اسم سهل وتناديه به بالبداية كما ذكرت لك وهذه الطريقة تتكرر كلما احببت ان تزود طيرك من كلمات وجمل وفي طريقة التسجيل وهي طريقة أيضاً جيدة ولكن انا افضل التعليم عن طريق الرابط وبالمربي نفسه ، تسجل مثلاً كلمة (يا الله ) وتشغل المسجل قبل وقت النوم ويكون الصوت مش مزعج واضح وبصوت معتدل وبدون اي اصوات أخرى كما ذكرت في الطريقة الاولى لكي لاتشتت تركيز الطير ، ولكن هذه العملية تتعب الطير وخاصة اذا كان التكرار وقت كبير .

طبعاً اللعب مع الطير ما نقدر نقول ان نجيب كرة قدم ونسوي مرمى ونقول اللي يسجل على الثاني يكون العشا عليه

اللعب يكون بطرق كثيرة

مثل انك تهز يدك وهو يكون واقف على يدك او تصفق له وهو يرقص او تقوم بالمس عليه عموماً هذه مداعبات مع الطير كثيرة ومتجدده ايضاً واي وقت انت تتكلم مع الطير وهو يتجاوب هذا بحد ذاتة لعب وقضاء وقت ممتع مع الطير

بالنسبة الى كيف ان يصعد على يدك فأنت ذكرت ان الطير (مايعض) يعني الطير مروض وهذا اهم شيئ يحبه الإنسان ان يكون الطير أليف
انت حاول كبداية ،جرب ضع يدك جنب الصدر وانت تدفعه على وره اشوي اشوي مو بالقوة وتكسر له ضلع من اضلاع صدره
اذا مارضى يصعد على يدك انا اعلمك طريقة كيفية الصعود على اليد ولايهمك

تاخذ عصاتين مثل العصا اللي يقف عليها بالقفص
طبعاً يكون القطعتين تقريباً 30 سم
الحين تجي تخلي الطير يقف على عصا واحده وتخلي العصا الثانية عند الصدر عشان يصعد عليها
وكرر هذه العملية 10 دقايق وخل الطير يرتاح اشوي لمدة 20 دقيقة وكرر العملية اكثر من 3مرات
وبعد المره الثالثة اترك عصا وحده في الارض وتخلي يدك بدال العصا اللي تم الاستغناء عنها يعني كبديل للعصا وكرر العملية مثل الشي وتخلى عن العصا الثانية وتخلي يدك بدال العصاتين ويكون انت علمت الطير كيفية الصعود على اليد ، ولكن حاسب انك ماتعب الطير وقدم له الراحه كل بين فترة وفترة وخل يكون عندك حافز اذا قام يصعد على اليد تكلم معاه شجعه اضحك معاه
قدم له طعام يحبه مثل حب عباد الشمس او الفول السوداني المهم يكون طعام يحبه

وفي نقطة مهمة وتحصل مع بعض المربين بعض الاحيان الطير يكون أليف ومايعض ولكن وقت الوقوف على اليد يهرب او يحاول الطيران ومايحب يثبت على اليد

في هذه الحاله

وقت اللي تخلي الطير على اليد حاول انك تمسك على رجله وتضغط عليها خفيف بحيث يكون يعرف انه مقيد ويجب عليه الوقوف على اليد بثبات وعدم الهروب و وقت اللي يحاول يعضك لاتشيل يدك بسرعة وتراوي الطير انك تخاف من عضه ترى بتخرب كل شي وبحط في باله ان انت خواف وبقول هالأخ يخاف من عضي ويهرب مني وهذا حل عشان يفز عني

خلك شجاع وتجنب الحركات المفاجأة لانها تخوف الطير تحرك دائماً ببطئ مو مثل الرجل الآلي
بس بهدوئ تام

نجي الى الألعاب

الألعاب مهمة للطير في القفص لانها تخلي الطير يلهو وقت غيابك وتقلل من شراسة الطير اذا كان شرس ويفرز العض في الألعاب بدل مايفرزها في يدك

وهذه صور للألعاب وفرها للطير في القفص يكون انت قدمت جميع سبل الراحه له



يمكن انت تقول هذه ألعاب حبل على حبل ألعاب

انا اقولك ليش يسمونها ألعاب ؟

اخوي هذه الطيور تلعب بإضاعة الوقت في محاولة تفكيك الاشيااء المعقدة مثل اللي شاهدتها في الصورة وتحاول تعض وتعض بالأحبال الموجوده بوقت كثير فأنت خليت الطير يضيع وقته بالعض والتفكيك ولو يكون في جرس يناسب حجم القفص عشان من يضرب او يلامس الجرس يصدر صوت يكون افضل بستمتاع الطير وهذه خلصنا بخصوص الألعاب

ويكون حجم القفص مناسب ويفضل من هذا النوع



يكون حجمه مناسب للبغبغاوات وإمكانية فتحه من الاعلى عشان يرتقى الطير فوق القفص وهذا شيئ مهم يكون الطير يطلع بره القفص عشان يسوي رياضة وتمارين لجناحه وللجسمه

هذا اللي قدرت افيدك فيه ، السموحه اذا صار تقصير و أي خدمة اذا نستطيع نحن بالخدمة

وأهلاً وسهلاً بك ويتربى في عزك الطير وامنياتي لك بالتوفيق

اخوك

كاسكو البحرين