[بنوته]

ياويلي ويا حسرتي .............
من وين ابدي ومن وين انتهي ..............
من هنا بدت قصتي ..........
لو بحكي لكم معاناتي بمدرستي ما تنتهي ..........
خربت علي دنيتي .........
وراح تبقى حتى نهايتي ............
اقبلت عليها وكني مقبل على لوعتي ............
ودي اتخص منها بس والله ما ظنتي .............
من يقبل الخميس والجمعه اقبلت علي فرحتي ............
ويجي يوم السبت كأنها انتهت دنيتي .........
وتجي الساعه ست ويصحوني من نومتي ..........
وساعتها اتمنى من الله يمسح المدرسة من دنيتي ............
ومن اقبلت عليها كني مقبل على منيتي ..............
رحت المدرسة متأخرة كالعاده ولا وجهي بوجه ابلتي .............
قالت لي ليش متأخره وليش دوم متأخره عن حصتي ؟؟؟؟
وبدت حصت الفيزيا واقول متى تبدأ فرصتي ؟؟؟؟؟
اتسائل بيني وبين نفسي واقول هل يا ترى راح تنتهي حصتي ؟؟؟
وعيني بعين ساعتي فزيت من صرخت ابلتي ............
وخزتني وقالت لي ........
ليش دوم سرحانه في حصتي ؟؟؟؟؟
وجاوبتها عندي مشكله مع عايلتي ..........
واهيه ما تدري انها سبب علتي ......
وقالت لي الله يعينك بس وين كشاكيل مادتي ؟؟؟
قلت والله نسيتهم في غرفتي ...........
وقالت لي انتي ناقصه علامه ومو بس جذي ونزلتني عند ناظرتي ..........
اول ما حطيت رجلي على الدرج ورن جرس فرصتي ......
وطول نقاشي مع ناظرتي حتى انتهت فرصتي ....
ورحت الصف وسولفت مع صاحبتي .....
وجكتني ابلتي وقالت لي ليش تسولفين في حصتي ؟؟؟
وعاقبتني وغيرت مكاني وقعدتني بجنب عدوتي ........
حسيت بخنقه وازدادت علي ظيقتي .......
فجأه ......!! شميت ريحة عطنه منبعثه من يسار طاولتي ......
وظنيت ظن السوء بعدوتي ولا طلعت ريحة ابلتي .....
وصارت فرصتي الثانيه وتذكرت عندي امتحان ونسيت اذاكر في عطلتي ......
ودخلت الصف وفرقوا طاولاتنا ومن الخوف بغت روحي تطلع من خشتي ......
وغافلت اللجنه وطلعت برشومتي .......
وفجــأه بـــــــيـد امسكتني من قذلتي ........
وقالت لي الابله يا غشاشه واخذت مني برشومتي ......
ما كتبت ولا حليت ولا شي وفجأه انزلت دمعتي ......
وصرت اتصوع وادور من يساعدني في كربتي ........
وناظرت ساعتي وانتهى وقت الامتحان وانسحبت مني ورقتي .......
وهذي معاناتي مهما احكي لكم ما تنتهي واخر شي اطلب من رب العالمين يهون علي مصيبتي