طلب مساعدة لمربي مبتدأ جدا
[السلام عليكم
في البداية حابب أعبر عن أعجابي بالمنتدى
و اسمحولي أكون عضو معكن (أتمنى اني ما أكون كتير غلبه)
أنا أشتريت طير كاسكو من فترة و للأسف مات بعد 20 يوم و أنا بعترف انو كان في أهمال من طرفي
و حاليا اشتريت كاسكو ثاني، تقريبا صرله عندي اسبوعين و لحد الأن ما بطلع و لا أي صوت ولا تصفير ، صامت يعني.
من كم يوم صار يطلع صوت متل الكحة أو العطسه صوت خفيف كتير، وديته للبيطري و عطاها دواء
بس لسا بصير يحرك راسه عطرفين بسرعة و يطلع متل صوت السعال أو الحزقه (بطلع الصوت بعد الأكل أو لما يعصب و يصرخ)
و الغريب انو كان يحب بذر الشمس كتير بس بعد الدواء صار ياكل منه بس مكره لا بطل، يعني بس مشان ما يموت من الجوع و يشوفنا بناكل أي شي بده منه، و بموووت على شي اسمه جزر
أنا سالت الدكتور قال لازم ياكل حبوب شمس و قال نجرب نغير النوع
و على فكرة عمره فوق السنة
انا بحاول أرفع ملف فيديو و صور (بس بسبب قلة الخبرة مع المنتديات بواجه صعوبة)
و بعتذر على كترة الغلبة
ومشكورررين مقدما
|