[صمت الأمل]

وعليكم السلام ورحمة اللهـ وبركاتهـ ..


ماشاء اللهـ تباركـ اللهـ ,, ان شاء اللهـ يفقس البيض بالسلامهـ ..


انا حصل لي نفس موقفكـ !! رجنت دجاجتين على نفس البيض .. وكانو سمن على عسل ماتناقرو وماحصل أي عداوهـ بينهم .


وتركتهم سوا حتى فقس البيض ..


بعد مافقس صارت حرب شرسهـ بينهم وتنتيف ريش ودماء في كل مكان .. لأن الدجاجهـ الأم تصير هجوميهـ وشرسهـ لحماية فراخها .


والصيصان احتارو مايعرفو مين يتبعو ؟؟ كل دجاجهـ تناديهم في أماكن مختلفهـ في الحوش !!


(( بصراحهـ شكل الصيصان كان جدا مضحكـ وهم محتارين ))


فأنصحكـ بتركـ الدجاجهـ الجديدهـ المرجنهـ في مكانها .. وضعي تحتها بيض آخر .


لأن اذا بدلتي مكانها حاليا ممكن تهرب وتتركـ الرجن .


اما الدجاجهـ اللي على وشكـ التفقيس انقليها لمكانها الجديد .. ان شاء اللهـ ماراح تهجر بيضها .


لكن اذا كنتي خائفهـ من هجر الدجاجهـ الثانيهـ للبيض بعد النقل ,, اتركيها مكانها حتى يبدأ أول كتكوت بالفقس ,, وانقليها لمكانها الجديد مع بيضها في الليل !!


هذا من تجربتي الشخصيهـ .. واذا احد الأعضاء حصل لهـ هالموقف يكتب لنا تجربتهـ أو حلول طبقها !!


بالتوفيق أختي .