عرض مشاركة واحدة
قديم 09-04-2011, 09:26 AM   #2
Nona999
عضوية شرفية
 
الصورة الرمزية Nona999







رد: فزعه يا اهل الخير

وعليكم السلام ورحمه الله وبركاته

اخوي بالنسبه لمشكلتك بسيطه ان شاءلله ..

اكيد تعطي كلبك من المكافئات ( نوع من الطعام او لعبه من العابه اللي يحبها مرا ) ..

واذا مافيه تقدر تقطع قطع نقانق صغيره تكون هي المكافئه بحيث ماتعطيه الا وقت التدريب عشان يسمع كلامك وتقدر تلفت انتباهه وتركيزه ..

فـ البدايه تربطه فـ الليش وتتركه يمشي فيه شوي عشان مايخاف منه ويعتاد عليه .. بعدين تروح وتجيب المكافئه وتحطها فـ يدك وتخليه يشمها ( بس ماياكلها ) هو مجرد مايشمها بينجن ويحاول ياخذها منك انت الحين يبدأ دورك .. تمسك الليش و تمشي خطوتين شوف هو يمشي معك ولا لا وكل ماحاول يجلس ارجع وخله يشم المكافئه وامش خطوتين وحاول من البدايه تعلمه يمشي خلف رجلك اليسرى واذا حاول يجي يمين ويسار ويلف اسحبه بالليش بشويش لجهت رجلك اليسرى واذا مشى معك شجعه ومسح عليه وعطه المكافئه وكررها معه وان شاءلله اسبوع بالكثير ويتقنها ..

ملاحظه :
1) لا ياخذ التدريب وقت طويل بحيث مايتملل الكلب ولا يستجيب لك ولا تكثر من المكافئه ..
2) ماتدربه وهو شبعان لانه ماراح يستجيب لك ..
3) مثل ماقال اخوي S.J :

اقتباس:
شي واحد لازم انك تعمله وتحاول انك تركز فيه

ابني علاقه قويه مع كلبك فقط
مقطع يوضح لك

http://www.youtube.com/watch?v=2ssV4...eature=related

وان شاءلله تستفيد ..

و موفق اخوي ويتربى بعزك وننتظر رأي الخبراء
Nona999 غير متصل