[Musab Pro]

اول شي احب ارحب فيك اختي نورة بين اخوانك .. نورتي المنتدى والقسم خاصه .

وخليه يجلس امامك و ناديه بالاسم الجديد

كل ما يلتفت عليك مباشره تعطينه كلك او (yes) وبعدها المكافئه..... خلال فتره بسيطه راح يعرف اسمه الجديد

وراح يتعود كل ماتنادينه باسمه يلتفت عليك

هالكلام مو غريب علي

هذا السيستم اللي انا اشتغل عليه .

ممتاز جدا ويطور التركيز بشكل حلو .

وراح افصل لك المعلومه اكثر اختي نورة واكون اكثر دقه شوي .

اول شي خلي الكلب لمدة ٣ ساعات بدون اكل .. يكفي المويه بس .

جيبي تريتس هاي فاليو من النوع اللي ينجن كلبك اذا شافه .

وتكون صغيرة وسريعة الاكل وانا افضل النقانق في هذه الحاله .. قطعيها صغاار .

لاااا تستخدمين كليكر بما ان كلبك جديد .. خلي صوتك هو الكليكر وهو العلامه اللي توضح للكلب

انه عمل الشي الصحيح . (هذا التدريب بيعلم الكلب التركيز وبيعلمه ان يسسس تعني المكافئه )

وبعدين مثل ما تفضل اخوي جاسم .

تحطين الكلب امامك وتنادين باسمه الجديد .. وخلي نبرتك ثابته في كل الاوقات .

وسوي الطريقه اللي قالها جاسم .

لنفرض انك تنادينه ريكس . راح يكون النضام كالتالي .. الوقت مهم جدا حاولي تسوين مارك باقل من ثانيتين .

ريكس .. يطالع فيك ..( على طول مارك ) yessss .. تمدين له المكافئة ياكلها من يدك .

و تتكرر من ٢٠ الى ٥٠ مره وبعدين اتركيه ٣ ساعات ونعود من جديد ندربه ٢٠ - ٥٠ مره .

و اوعدك خلال يومين راح يعرف اسمه ان شاء الله .

اهم شي التوقيت .

تقبل مروري .