[Abo_fahed]

السلام عليكم ورحمة الله وبركاته ..
اول شي اختي ارحب فيك بالمنتدى وكل الي في المنتدى اخوانك واهلك ومحد بيقصر معاك ان شالله .
ثاني شي الجرو الي عندك عمره تقريبا شهر ونص وهالعمر وايد صغير المفروض يكون عند امه بس الحين انتي خذيتيه خلاص اهم شي تعرفين هالنقاط :
1) الجرو يحتاج تقريبا اربع وجبات يوميا وتختارين من هالوجبات ( دجاج مسلوق وعيش مسلوق وطبعا الدجاج تقطعينه وتهرسينه مع العيش عشان مايلقا صعوبه في الاكل ..اكل معلبات تخلطينه مع دراي فود واهم شي يكونون من شركة معروفة مثل شركة Royal Canin او Pidegree )
2) تنظيف مكانه اول في اول لتفادي الامراض
3)توفرين له الماي على طول ويكون قريب عندها

وبخصوص المشكلة الثانية : وهي التدريب ..اهي للحينها صغيرة على التدريبات واذا كملت الثلاث شهور تبدين معاها التدريبات البسيطه مثل (sit , stay , down الخ...) وان شالله بس تكمل الثلاث شهور زوري قسم التدريب وبتلقين كل المواضيع الكافيه والوافية
-------------------------
المشكله الثالثة : والي اهي انها تعوي بليل ..طبعا لانها صغيرة وتخاف تكون لوحدها ولانها تعودت تكون تحت بطن امها وانتي مهمتج تعوضينها هالحنان
--------------------
المشكلة الرابعة : وهي الاذان لاتسوين لها اي شي حاليا توها صغيرة واذا كانت سيبيريان هاسكي بيور بتوقف قريب لاتستعجلين عليها
-----------------
واخرآ واهم شي لاتنسين تطعمينها ويفضل اذا كملت الشهرين ونص تطعمينها عند العيادة وتكون معروفة وموثوقة .

ان شالله اكون افدتج وتقبلي مروري يااختي وارحب فيج مرة ثانيه بالمنتدى