|
رد: هل السمك مضر للـ german Shepherd
الموضوع شوي اعقد من اننا نقول كلمة ورد غطاها .
شوف يالغالي ... السمك فيه زيوت الاوميقا اللي ما تلقاها باي لحوم اخرى .
وهي مفيده جدا جدا جدا .. لكن السمك ايضا فيه شوك وهذا يخوف .
و مو من طبيعة الكلب ياكل السمك في الحياة البريه .
عشان كذا انا افضل انك تعطي الكلب السمك مره بالاسبوعين ويكون خالي من الشوك .
او تستبدل السمك بزيت كبد الحوت لانه في نوعين او ثلاثه من زيوت الاوميقا المفيده .
اما بالنسبه للاكل فانت غير مطالب بانك تشتري can كل مره !! اللحوم الطبيعيه افضل
في نضري لانك متآكد على الاقل انها ما تحتوي على مواد حافضه .
استخدم صدور الدجاج و لحم الغنم او اللحم البقري المطبوخ مع شوية نشويات
مثل الرز او المكرونا او الشوفان .. وركز على الشوفان لانه مفيد جدا .
بالنسبة للرويال كانين انا انصح فيه وبشده و انا وكثير من الاخوان مجربينه ونتايجه ١٠٠٪ .
انا الى الان استخدمه بشكل يومي وجبتين او ثلاث باليوم لكنه حار على الكلب بالصيف .
فالافضل اعطائه الوجبات العصر و الثانيه بالليل .. اما بالنهار شوف له شي اخف ياكله .
انا اكيد مو افضل من البيطري الشاطر .. ولكن حط خط تحت الشاطر .
واحسب حساب ان بعض البياطره الله يهديهم يفكر كيف يصرف بضاعته فقط !! .
واخيرا وليس اخرا .. بالنسبه لوزن الجرو انصحك جدا تتابع برنامج مكافحة دود البطن .
اعطه الحبوب المناسبه على معده خاليه واتركه بدون اكل ٤ ساعات عشان تاخذ مفعولها
وكرر الجرعه بعد اسبوعين عشان تتخلص من البيوض اللي فقست في بطن الكلب .
غالب مشاكل الوزن ... الدوووود .
تقبل مروري .
|