|
رد: ارجو المساعده في استيراد الكلاب
شوف ياحبيبي انا جايب كلب في شهر 3
الاجراءات ولا اسهل منها راح تكون كالاتي
تروح وزارة الزراعه - مو المبني الرئيسي لا في مبني في الخلف - تدخل هناك المكتب المقابل لك في جهة اليسار
بعدها تصدر التصريح واللي مرح ياخذ منك 10 دقايق بس لازم كل المعلومات تكون معك بالانقلش علشان مدير القسم مايعرف يكتب انقلش ههههههههههههههههههههه المهم
بعد ماتصدر التصريح ترسله للبريدر
يقوم هو ياخذ الكلب علي الشحن ويصدرون رقم اسمه air waybill اللي تتعقب كلبك فيه وين وصل .. بعدين الشحن بيتصلون عليك ويرسلون لك تعهد بأستلام الكلب والناقل كذلك .. وقت وصل الكلب تروح الشحن للخطوط السعوديه وتدفع 35 ريال وتستلم الكلب وتاخذه علي البيطري وغالبا انه يكون مرح يكون رايق لك ابد ابد تخليه يفحص الكلب ومرح يمسك الكلب لانه خايف من النجاسه وبعدين تختم اوراقك من الجمارك وتدفع الجمرك حقه تقريبا 120 ريال وبعدها تاخذ اذن الفسح من المكتب اللي في نص الشحن حق الجمارك وتدخل سيارتك وتشيل كلبك واتوكل علي بيتكم .. وبالنسبه للانواع اللممنوعه من دخول السعوديه قبل فتره صديق لي مستورد دوبرمان وبيتبول يعني مافيش مشاكل ..
الاوراق --- شهاده صحيه فقط اللي اسمه international health certification هذا اللي شفت الدكتور يدور عليها اصلا سألته وقلت له مايكروشيب قالي مايحتاج وجواز تطعيماته يعني الكلب لازم يكون fully vaccinated
العمر في عضو عندنا في المنتدى جاب كلب عمره 40 يوم وانا جبت كلبي عمره شهرين بالضبط
يعني اتوكل علي ربك ودور لك بيريدر كويس في الروت واير ولو حبيت واحد عنده ابطال وكلاب تهول الناظر تواصل معي واانا اعطيك موقعه
__________________
GSD THEORY
Take this for ME
Make sure my SHEPHERD dog remains a working dog, for i have struggled all my life long for that aim
Rittmeister Captain Max von Stephamitz
1864-1936
التعديل الأخير تم بواسطة : Abo_fahed بتاريخ 09-07-2011 الساعة 07:48 PM.
السبب: تنسيق .
|