[Musab Pro]

سؤالك واضح وان شاء الله بنعطيك الاجابه ولكن يجب عليك ان تتقيد فيها تمام .

اولا بالنسبه للعض .. كويس انه يعض والحين لازم تعلمه انه يحتفض بالشي اللي يعضه .

بالبدايه لازم تخلي الموضوع ممتع بالنسبه له .. والعض عند الكلاب ممتع .

ولكن في لحضة عضك الكلب يراوده شك .. هل الشي اللي انا اسويه صحيح ولا لا !!

انت لازم تفهمه انك تفعل الصحيح بالتشجيع .. وتزيد من متعة اللعب بالسحب

اسحب وخذ واعطي معاه ولازم تصير ممثل جيد .. يعني لما يسحبك شوي

حاول انك تمثل له كان سحبته قاسيه وانها ودتك الى الجهة الثانيه وتطلع له صوت .

وبالنهايه تفصخ له السليف وهو عاضه وتخليه معاه وتسحبه من الليش وتركض معه

يعني تحاول تخليه يركض وهو يعض السليف عشان يتعلم انه دائما يستمر بالعض .

وبعد ما تركض معاه تاخذ فيه لفتين او ثلاث لفات حولك .. يعني 10 - 15 متر جري .

تسحب الجرو لحضنك وتمسح عليه بحنيه وتخليه يحس بالحنان طول ماهو ماسك

السليف بفمه .. وكذا يتعلم ان الشي اللي يسويه صحيح .

وبعدها تسحب السليف منه فجأه وتلبسه بسرعه وتجري فيه

وتحاول تضيف جو الحماس له ..

وهذا الفيديو ممكن يوضح لك اشياء ..

المسح على الجرو لتشجيعه اثناء العض .

اعطاء الجرو الشي اللي يعضه والجري فيه .

اضافة جو الحماس للجرو من غير ما نشعره بالخوف .




اما بالنسبه للتدريبات الثانيه مثل سيت و داون و ستاند وهذي الاشياء .

المشكله حتما فيك انت وليس الكلب و ارجوا ان تتقبل انتقادي بروح رياضيه .

يجب ان تتقن تدريب الكلب اولا .. ولما يبدا الكلب يفهم التطبيق

كرر كرر كرر 50 مره 80 مره 200 مره باليوم .. وعلى هالمنوال .

لا تنوع بالتدريبات له عشان ما ينسى .

كرر سيت 200 مره باليوم لمدة اسبوع .. اسبوعين .. شهر لين يتقنها 100٪

والتكرار يعلم الشطار .. ولا تستعجل عليه .

بعد ما تتأكد انه حفض الامر تمام .. انتقل الى الامر الثاني .. وكرر كما في الامر الاول .

ولما ينتهي من الامر الثاني راجع الامر الاول والثاني .. ولما ينجح بالمراجعه انتقل

الامر الثالث .. وهكذا .

تقبل مروري .