[Musab Pro]

ما شاء الله تبارك الرحمن ..

الاخوان ما قصروا ابد .

ودي اوضح شوي توضيحات تتمه لما بدو فيه الاخوان .

الرجاء استخدام المعدات في مكانها الصحيح .

يعني مثل ما قال اخوي جاسم لا تستخدم ليش المشي في ربط الكلب لفترات طويله لانه بيقطعه .

ولا تستخدم السلسله الخناقه في ربط الكلب لانها تستخدم للتصحيح

مثل ما ذكر ابو فهد . وهذي صوره لها .



المفروض ان تستخدم هذي النوعيه من السلاسل



لانها مو حناقه ولا تستخدم لل كوريكشن .. بل تقوم مقام الطوق العادي .

وبكذا تضمن ان الكلب ما يقطعها ك طوق .

اما استبدال الليش بالسلسله ان شاء الله ما فيه مشكله ابد.

ابي احرص على الكلام اللي قاله ابو فهد .

لا تنادي الكلب وتقوله come بعدين تعاقبه ابد ابد ابد .

لو حبيت تبين له انك معصب ممكن تقول اسمه بعصبيه بس بدون come

مثلا rixxxxx بصوت حاد .

او تقول له noooooo وهنا انت المفروض تكون دربت الكلب من اول على كلمة نووو

ان اذا قلتها يترك الشي اللي يسويه ويجيك فورا .

وممكن تبدا هالتدريب عند درامات الزباله الله يكرمك

اطلع وامش عندها والكلب على الليش معك .. ولما يقرب للدرام يبي يشم قوله نووو

واسحبه شوي .. ولما يجيك كافئة على طوول بمكافئه وتشجيع .

روح وارجع على نفس الدرام ولما يقرب نووو مع سحبه خفيفه .

وكافئ لما يتوجه لك .

و شوي شوي تجد الكلب كلما قلت نو ترك الشي اللي عنده وجاك .

وكافئه على جيته لك .. من هذا التمرين تستفيد ان الكلب لما يتجاهلك

وينشغل بأي ثاني .. تقول له مثلا

ريكسسسس نووووو راح يجيك على طول .

لا تستخدم الضرب ابدا .. ولا تحبسه على طول بعد الغلط .

لان هذا النوع من الكوريكشن واضح جدا ان كلبك ما يتحمله ويبدا يتحاشاك .

يعني الكوريكشن هذا مستواه اعلى من تحمل كلبك

موفق باذن الله .