السلام عليكم
كيف الحال يا أخواني
أنا عضو جديد في المنتدى وبكون ان شاء الله معاكم واستفيد منكم وتستفيدو مني
أرجو منكم المساعده مع اني ماني عارف احط الموضوع بأي قسم بس مو مشكله
انا ليا 4 شهور عايش في ماليزيا وبدخل في الموضوع
احب الكلاب جدا بس ماعمري ربيت كلب او اي شي يدوب امسك كلب بس
حصل اليوم موقف بتاريخ اليوم وانا في البنك في ماليزيا واحد سحب فلوس وخرج وانا خرجت
بعده ب دقيقتين وشفت الرجال ركب سيارته وقفت جمبه سيارة ونزلو منها ناس
مغطيين وجوههم وشايليين بيدهم سكاكين طول الوحده منها متر وقتلو الرجال وسرقو الفلوس
والي صار صار والله ماقدرت اتحرك من مكاني وقتها
ماني عارف ابغا رايكم لاني ابغا اجيب كلب يحرسني ويكون معايا 24 ساعه
لسه انا مبتدأ وما اعرف اربي ولا اعرف شي وهل التربيه سهله او صعبه
ابغا كلب يكون شرس ويكون معايا تمام ولو اظطر الامر اجيب اسد ماعندي مشكله
ارجوكم فيدوني والله كل شي صار مافيه امان
وااااسف على الاطاااله